Jeremia 40:10 - ÎVUKU RÎA ÛVORO MWARO

¹⁰ Nie nîndûûra Mizipa na nûngame vandûrî venyu kûrî Akalidei arîa magaûka gûkû; nwatî mue ûnganiani ndivei, matunda, maguta na mûtûûre matûûrarî marîa mûtavîte.”

Jeremia 40:10 ပူးပေါင်းရင်းမြစ်များ

2Sam 16:1

Rîrîa Daudi aavîtûkire kîrîma kîu vandû vanini, nîwatûngirwe nî Ziba ndungata ya Mefiboshethu. Ziba aarî na mvunda igîrî ikuîte mîgate magana maîrî, ikundi îgana rîmwe cia thavibu, ikundi îgana rîmwe cia matunda ma gûtuuwa wa rîo na mbooro îcûrîte ndivei.

1Atha 10:8

Gûkena-rî nî aka aku! Wana kûgîa na mûnyaka nî ndungata ciaku, irîa mwîkaraga nacio vîndî cionthe ikîthikagîrîria ciugo ciaku cia ûûgî.

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Nthi 27:25

Rîrîa watema nyaki ya kûrîthia na wamiga, thiî ûgateme nyaki irîmarî vîndî îrîa nyaki îrakûra rîngî.

Isaia 16:9

Kwoguo Jazeri akîrîra wananie nînîrarîra nîrarîra nîûndû wa mîthavibu ya Sibuna. Methori makwa maretîka nîûndû wa Heshiboni na Eleale, nîûndû gîkeno Kîam matunda na maketha ma maku, na gîkeno Kîam maketha ma ngano nî kîthiru.

Jeremia 35:19

Kwoguo Ngai-Mûnene mwene vinya wonthe, Ngai wa Isiraeli arauga atî, gûtigatura mûndû wa kûndungatîra kuuma kûrî njiarwa cia Jonadabu mûvîcî wa Rekabu.”

Jeremia 39:10

Nebuzaradani mûnene wa arangîri a mûthamaki, nîwatigire andû onthe arîa maarî athîni na mataarî wanarî kîndû kûu Juda, na akîmava mîgûnda ya mîthavibu wa vamwe na mîgûnda ya kûrîma.

Jeremia 40:12

Kwoguo onthe nîmaumire mavûrûrirî monthe kûrîa maanyaganîtie, na makîthiî vûrûrirî wa Juda, kwa Gedalia kûu Mizipa. Nao nîmaaûnganirie ndivei na matunda meengî mûno.

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Jeremia 43:5

Nwatî Johanani mûvîcî wa Karea na anene onthe a athigari a mbaara nîmocire andû onthe a Juda arîa matigarîte na arîa maacokete kûu vûrûrirî wa Juda kuuma mavûrûrirî monthe kûrîa maanyaganîrîtue.

Jeremia 48:32

Ndîraga nîûndû wa andû a Sibuma, gûkîra ûrîa ndîragîra Jazeri. We îtûûra rîa Sibuma, mvûa ciake iringîte nginya mûringo wa îria rîa Cumbî, ikathiî nginya Jazeri. Nwatî mûcûkangia nîmûthithûkîru matunda menyu ma vîndî ya riûa, na thavibu cienyu.

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Gûco 1:38

Nwatî Joshua mûvîcî wa Nuni ndungata yake nîke ûgaaûtonya. Kwoguo mûmagîrîrie nîûndû nîke ûgaatûma andû a Isiraeli maûgae ûtuîke wao.’

Gûco 16:13

“Mwarîkia kûvûûra ngano cienyu cionthe na kûviva thavibu, kûngûagîrani kîrugo gîa tûnyomba îvinda rîa mîthenya mûgwanja.