Jeremia 4:5 - ÎVUKU RÎA ÛVORO MWARO

⁵ Ugîrîria Juda na wanîrîre Jerusalemu uuge atîrî, “Vuvani tûrumbeta kûu vûrûrirî, anîrîrani mwîre andû magomane vamwe; mathiî matûûrarî marîa mairigîre.

Jeremia 4:5 ပူးပေါင်းရင်းမြစ်များ

Isaia 28:19

Rîrîa rîonthe mûthiro ûcio ûkûvîtûka nîûkaamûcûkangia; nîûndû ûkaavîtûkaga iraûko cionthe, mûthenya na ûtukû; nî gûkaagîa na guoya mûnene rîrîa ndûmîrîri îno îkeguîka.

Jeremia 11:2

“Thikîrîria maûndû marîa marî kîrîkanîrorî gîkî, ûcoke ûmamenyithie andû a Juda na atûûri a Jerusalemu.

Jeremia 35:11

Nwatî rîrîa Nebukadinezarû mûthamaki wa Babuloni aakinyire vûrûrirî ûyû na akîûtharîkîra, nîtwatuire tûke Jerusalemu nîguo twîgitîre kuuma kûrî athigari a mbaara a Babuloni na a Sîria. Kîu nîkîo gîtûmîte tûtûûre gûkû Jerusalemu.”

Jeremia 5:20

Ngai-Mûnene arauga atîrî, “Îra njiarwa cia Jakovu, na wanîrîre kûrî andû a Juda ûmeere atî:

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Jeremia 9:12

Kûrî na mûndû mûûgî ûngîvota gûtaûkîrwa nî maûndû mama? Nî ûrîkû Ngai-Mûnene erîte maûndû mama nîguo amenyithie andû? Nîndûî gîtûmîte vûrûri ûcûkangue na ûtigwe wîkariî ta werû na gûtirî mûndû ûvîtûkagîrîra kuo?

Ezek 7:14

Nîmaavuvîte karumbeta na andû onthe mevarîria, nwatî gûtirî mûndû wanarî ûmwe ûkûthiî mbaararî, nîûndû marakara makwa nîmakinyîrîte andû onthe.

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Joeli 2:1

Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Ndari 10:2

“Rûtha tûrumbeta twîrî twa sîlûva twa gûturwa. Ûgaatûmagîra tûrumbeta tûu gwîta andû vamwe, na kûmeera mambûre magema.

Ndari 10:3

Tûrumbeta tûu twîrî twavuvwa, andû onthe makaagomanaga varî we vau mûromorî wa îgema rîa Ngai-Mûnene.

Josh 10:20

Joshua marî na andû a Isiraeli nîmaaûragire andû eengî mûno a Amori. Nwatî amwe nîmaavotire kûûra na magîtonya kûndû kûrîa kwarî kwirigîre kûu matûûrarî mao.