Jeremia 4:31 - ÎVUKU RÎA ÛVORO MWARO

³¹ Nie nîneguire kîrîro ta Kîam mûndûmûka arî na ûrûrû wa gûciara, mûcao ta wa mûndûmûka agîkivîra mwana wa îrikithathi, Kîamrî kîrîro gîa Zayuni akîvevûka agîcaragia mîvevû, agîtambûrûkagia njara akiugaga atîrî, ‘Kaî nîrî na thîna-î! Nîmaûkîte kûmbûraga!’ ”

Jeremia 4:31 ပူးပေါင်းရင်းမြစ်များ

Kîam 27:46

Rebeka nîwerire Isaka atîrî, “Nîrîmûnogu nî gûtûûrania na aka aya a Esaû. O nî a mûvîrîga wa Ahiti, na Jakovu wanake angîvikia mûndûmûka Mûhiti ta aya, nwa ngue.”

Ayubu 10:1

“Nie ndirî na vata na ûtûûro wakwa! Nîngwaria mateta makwa ndarî na guoya. Nîngwaria nîrî na ûrûrû mwîngî ngororî.

Thaburi 120:5

Kaî nîrî na thîna-î atî ndûûraga ta mûgeni vûrûrirî wa Mesheki, ta mûgeni magemarî ma Kedari.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 13:8

Nîmakegua guoya na ruuo, megue ruuo ta rwa mûndûmûka akîgîa mwana. Makaaroranagia wa mûndû amakîtue nî ûrîa wîngî, namo mothiû mao makethîrwa mecûrîtwe nî nthoni.

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Isaia 26:17

Wata ûrîa mûndûmûka arî vakuvî gûciara eyunangaga na akarîra nîûndû wa ruuo, nwaguo we Ngai-Mûnene watûmire tûrîre.

Isaia 42:14

Ngai arauga atîrî, “Nîngirîrîrîtie kavinda karaca, ngakira kivi na ngevinga gwîka wanarî ûndû. Nwatî rîu nîngûrîra ta mûndûmûka arî na ûrûrû wa gûciara, nî ndeva na mbevûkîrîre na vinya.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 10:19

Kaî tue andû a Jerusalemu tûrî ativie-î! Ngurara yetû nî nene mûno! Nwatî nînaugire atîrî, “Nama îno nî mînyamaaro, na nwanginya nyûmîrîrie.”

Jeremia 13:21

Ûkaauga atîa îgûrû rîgiî andû arîa weciragia nî arata aku, arîa we mwene wathomithirie rîrîa magaakûvoota na makwathe? Kinthî ndûgecûrwa nî ûrûrû ta wa mûndûmûka akîgîa na mwana?

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 15:18

Nîndûî kîgiragia ruo rwakwa rûthira? Nîndûî kîgiragia ironda ciakwa ithondekeka? Nîndûî kîgiragia ivone? Kana nîkwa ûrenda kûmveenia ta karunjî karîa kavûcaga vîndî ya riûa?

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 22:23

Mue muonthe mûtûûraga Lebanoni, mue arîa mwîkaraga nyombarî itumîtwe na mîtarakwe, nîmûkaarîra rîrîa mûkaagwatwa nî ruuo, ta rwa mûndûmûka agîciara!

Jeremia 30:6

Rîu ta îyûrieni na mwîcirie: mûndûmûrûme nwa aciare mwana? Nîndûî kîratûma mone wa mûndûmûrûme, aigîrîrîte njara îvu ta mûndûmûka arî na ûrûrû wa gûciara? Nîndûî gîtûmîte mothiû ma andû onthe mathite?

Jeremia 45:2

Ngai-Mûnene Ngai wa Isiraeli arakwîra we Baruku,

Jeremia 48:41

Matûûra na kûndû kûrîa kûgitîre nîgûgaatavwa. Mûthenya ûcio athigari a mbaara a Moabu, nîmakegua guoya ta mûndûmûka akîgîa na mwana.

Jeremia 49:22

Taroria, nthû îkaagûrûka na îgûrû na îvenya ta nderi na îtharîkîre Bozira. Mûthenya ûcio, andû a Edomu nîmakaagîa na guoya ta wa mûndûmûka arî na ûrûrû wa gûciara.”

Jeremia 49:24

Andû a Damesiki nîaûre nî vinya, maagarûrûkire maûre makînyitwa nî guoya; nîmagîte na ruuo na kîeva kînene, ta mûndûmûka arî na ûrûrû wa gûciara.

Jeremia 50:43

Mûthamaki wa Babuloni nîeguîte ûvoro wao, njara ciake ikathira vinya; nîagîte na kîeva, na ûrûrû ta wa mûndûmûka agîciara.

Jeremia 6:2

Îtûûra rîa Zayuni nî rîthaka, nwatî nîrîkwomomorwa.

Maca 1:17

Zayuni îtambarûkîtie njara nwatî gûtirî mûndû wa kûmûvoreria, Ngai-Mûnene athîte nthû itharîkîre Jakovu na mîena yonthe. Jerusalemu îtuîkîte ta gîko kûrî o.

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.

Hosea 13:13

Ûrûrû ta wa mûndûmûka akîgîa na mwana nîûmûkinyîrîte. Nwatî ke nî mwana mûritu; kavinda gake ga gûciarwa ke nîwaregire kuuma ndarî ya ng'ina!

Mika 4:10

Mue andû a Jerusalemu, rîrani na mûthînîke nî ûrûrû ta wa mûndûmûka agîciara, nîûndû nîmûkuuma îtûûrarî rîîrî mûthiî mûgatûûre werûrî, nîmûkûthiî Babuloni. Nwatî mûrî kûu Ngai-Mûnene nîakaamûvonokia, na amûkûûre kuuma kûrî nthû cienyu.

Mika 4:9

Rîu mûrarîra mugîrîrîtie nîkî? Nîkwa mûtarî na mûthamaki? Nîkwa ûrîa ûgûtaaraga arî mûkuû? Mûrathînîka ta mûndûmûka arî na ûrûrû wa kûgîa na mwana!

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Mathaayo 21:5

‘Îrani îtûûra rîa Jerusalemu atî, taroriani, Mûthamaki wenyu nî araûka kûrî mue, ke nîmûvoreri na akuuîtwe nî mvunda, na nî njaû ya mvunda!’ ”

1Akor 9:16

Gûtuîka atî nîmvunjagia ûvoro mwaro tîkuo gûtûmaga nîtîîe, nîûndû ûguo nîguo mbathîtwe mbîke na nîûndû mûcûku mûno nîngîrega kûvunjia Ûvoro mwaro.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.