Jeremia 4:29 - ÎVUKU RÎA ÛVORO MWARO

²⁹ Rîrîa mûkegua mûgambo wa athigari, marî na mbarathi na engî marî na moota, andû onthe nîmakaavinyûra maûre. Amwe magaatonya mûtitûrî engî matwe mathigarî; matûûra monthe nîmagaatiganîrua na gûtirî mûndû ûgatigwa kuo.

Jeremia 4:29 ပူးပေါင်းရင်းမြစ်များ

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Isaia 30:17

Andû ngiri îmwe nîmakaaûra nî mûndû ûmwe, na andû atano nîmagaatûma muonthe mûre. Nginya rîrîa mûgatigwa mwîkariî ta mûtî wa vendera ûrî kîrîmarî, ta rûûri rûrî îgûrû rîa karîma!

Isaia 6:12

Nie Ngai-Mûnene nîngaavira andû kûndû kûraca, na ndûme vûrûri wonthe ûtigwe ûrî maganjo.

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 52:7

Kwoguo rûthingo rwa îtûûra nîrwatûrîkirue, nao athigari a mbaara makiuma îtûûrarî rîu ûtukû, makîûra. Nao mavîtûkîrîre mûgûndarî kwa mûthamaki na makîthiî makiumîrîra kîvingorî kîrîa Kîamrî gatagatî ka nthingo irîa igîrî. Maathiîre maroretie mwena wa werû wa Araba.

Jeremia 6:23

Manyitîte moota na matumû, nî aganu mûno na matirî ntha, mûgambo wao nîta mûrurumo wa îria. Mathiîcaga mekarîrîte mbarathi, mevangîte na mevarîrîtie kûrûa nawe, we îtûûra rîa Zayuni.”

Amosi 9:1

Nînonire Ngai-Mûnene arûngamîte metharî ya kîgongoona. Nake nîwathanire atîrî, “Ringa ciongo cia itugî cia hekarû na vinya mûno, nginya mîcingi yayo inaine, mîomomore îgwîre andû arîa marî kuo, na arîa magatigara nîngaamaûraga na rûviû. Gûtirî mûndû wa naarî ûmwe ûkauma kuo, gûtirî wanarî ûmwe ûkaûra.

Luka 23:30

Kavinda kau nîrîo andû makaambîrîria kwîra irîma atîrî, ‘Tûgwîreni!’ na macoke meere tûrîma atîrî, ‘Tûkunîkîreni!’

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;