Jeremia 4:2 - ÎVUKU RÎA ÛVORO MWARO

² na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 4:2 ပူးပေါင်းရင်းမြစ်များ

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 12:15

Narîkia kûmakûûra nîngameguîra ntha rîngî, na nîmacokie wa mûndû vûrûrirî wake kûrîa aagaîrwe.

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Jeremia 7:5

“Rûngariani mîthiîre yenyu na ciîko cienyu na mwîkage maûndû ma kîvooto, kûrî mûndû na mûndû ûrîa wîngî.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Hosea 2:19

Nîngagûtua mûka wakwa tene na tene; ûtuîke wakwa na njîra ya ûthingu na kîvooto, na njîra ya wendo ûtathiraga na ntha.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

1Akor 1:31

Kwoguo wata ûrîa mandîko matheru maugîte: “Mûndû wa wonthe ûngîenda gwîtîîa nîetîîe na maûndû marîa Mwathani ekîte.”

2Akor 10:17

Nwatî mandîko matheru maugîte atîrî, “Mûndû wa wonthe ûngîenda gwîtîîa nwa nginya etîîe ûndûrî wîgiî ûrîa Mwathani ekîte.”

Agal 3:8

Mandîko matheru nîmoonanirie na vau kavere atî Ngai nîagaatua andû a Ndûrîrî athingu nîûndû wa gwîtîkia. Kwoguo Iburahimu nîwamenyithirue na njîra ya ûvoro mwaro atî: “Andû a Ndûrîrî cionthe nîmakaarathimwa nîûndû waku.”

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Ruthu 3:13

Rara gûkû ûmûnthî, nîguo rûyû kîraûko tûkamenya kana mûndû ûcio nîagetîkîra gûkûgaa. Ethîrwa nîagetîkîra, nî waro; nwatî ethîrwa nîakaarega, nînevîta na Ngai-Mûnene ûrîa ûtûûraga mwoyo atî nîngakûgaa. Rîu mama nginya rûyû kîraûko.”

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”