Jeremia 39:16 - ÎVUKU RÎA ÛVORO MWARO

¹⁶ “Thiî ûkeere Ebedimeleku ûrîa Mûethiopia atî Ngai-Mûnene mwene vinya wonthe, Ngai wa Isiraeli augîte atî: Taroria, nie nîngaavingia maûndû marîa neranîre megiî îtûûra rîîrî, maûndû macûku na tî maûndû maro. Maûndû mau makavinga mûthenya ûcio we mwene ûkîonaga.

Jeremia 39:16 ပူးပေါင်းရင်းမြစ်များ

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Thaburi 92:11

Nîmonete na metho makwa nthû ciakwa ikîvootwa, nîmbîguîte kîrîro Kîam andû arîa aganu.

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 26:20

Kwarî mûndû wîngî wetagwa Uria mûvîcî wa Shemaia kuuma Kiriathi Jearimu. Ke arathire ûvoro wîgiî îtûûra rîîrî na vûrûri ûyû akîgwetaga rîîtwa rîa Ngai-Mûnene na ciugo wata cia Jeremia.

Jeremia 34:22

Tathikîrîria, nie Ngai-Mûnene nîngaatha mûthamaki wa Babuloni na athigari ake na nîngamacokia îtûûrarî rîîrî. Nîmakaarîtharîkîra, marîtave na marîvîvie na mwaki. Nîngatûma matûûra ma Juda matuîke maganjo na kûndû gûtatûûragwa nî andû. Nie Ngai-Mûnene nînie nauga ûguo.”

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Jeremia 40:3

na rîu nîwavingia ûndû ûcio, na eka wata ûrîa augire. Maûndû mama mekîkîte kûrî mue nîûndû nîmwevîrie Ngai-Mûnene na mûkîrega kûmwathîkîra.

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Jeremia 5:14

Ngai-Mûnene mwene vinya wonthe arauga atîrî, “Nîûndû nîmarîtie maûndû mau, rîu nîngûtûma ciugo ciakwa ciîkare ta mwaki kanyuarî gaku, na andû matuîke ta ngû, naguo mwaki ûmavîvie.”

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Amosi 9:4

Mangîkaanyitwa nî nthû ciao mavirwe îthamîriorî, nîngaathana maûragîrwe kuo na rûviû. Nîngaarîthania nao nginyîrîrîtie nîmeeke maûndû macûku na tî maro.”

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Mathaayo 24:35

Îgûrû na nthî nîikaathira, nwatî ciugo ciakwa itikaathira.