Jeremia 39:14 - ÎVUKU RÎA ÛVORO MWARO

¹⁴ nîmaavirire Jeremia kûrî Gedalia mûvîcî wa Ahikamu, mûvîcî wa Shafani, nîguo amûvire gwake mûciî. Jeremia nîwekarire vamwe na andû arîa engî.

Jeremia 39:14 ပူးပေါင်းရင်းမြစ်များ

2Atha 22:12

na akîatha mûthînjîri-Ngai Hilikia, Ahikamu mûvîcî ma Shafani, Akibori mûvîcî wa Mikaia, Shafani mwandîki, na Asaia ndungata ya mûthamaki akîmeera atîrî,

2Atha 22:14

Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,

2Maû 34:20

Nîwacokire akîatha Hilikia, Ahikamu mûvîcî wa Shafani, Abudoni mûvîcî wa Mika, Shafani, karani na Asaia ndungata ya mûthamaki atîrî,

Thaburi 105:19

nginya rîrîa maûndû marîa aaugîte maavingire, kiugo Kîam Ngai-Mûnene nîkîamwîkîrire vinya.

Jeremia 26:22

Mûthamaki Jehoiakimu nîwacokire agîtûma Elinathani mûvîcî wa Akibori vamwe na arûme engî mathiî Misiri nîguo magîre Uria.

Jeremia 26:24

Nwatî Jeremia ethagîrwa akîgitîrwa nî Ahikamu mûvîcî wa Shefani, nîguo ndakarekererue kûrî andû aûragwe.

Jeremia 32:2

Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Jeremia 37:21

Kwoguo mûthamaki Zedekia nîwathanire Jeremia aigwe kûrîa arangîri mekaraga. Nake nîwavecagwa mûgate wa mûthenya kuuma kûrî andû arîa marugaga mîgate nginya mîgate îkîthira yonthe kûu îtûûrarî. Kwoguo Jeremia eekaraga kwa arangîri.

Jeremia 38:13

Nao nîmaagucirie Jeremia na mîkanda na makîmûruta kûu kîrikorî Kîam manjî. Nîmacokire makîmûcokia kanyombarî ka arangîri.

Jeremia 38:28

Jeremia nîwekarire kûrîa arangîri meekaraga nginya mûthenya ûrîa îtûûra rîa Jerusalemu rîatavirwe.

Jeremia 39:13

Kwoguo Nebuzaradani mûnene wa arangîri, Nebushazibani, Nerigali-sharezeri vamwe na anene onthe a mûthamaki wa Babulonia,

Jeremia 39:15

Vîndî îrîa Jeremia aarî kwa arangîri arî mwove, nîwakinyîrwe nî kiugo Kîam Ngai-Mûnene akîrwa atîrî,

Jeremia 40:1

Kiugo nîgîakinyîre Jeremia kuuma kûrî Ngai-Mûnene vuva wa kûrekererua aume Rama nî Nebuzaradani mûnene wa arangîri a mûthamaki. Mûnene ûcio wa arangîri nîwocete Jeremia arî mwove na mvîngû vamwe na andû kuuma Jerusalemu na Juda arîa onthe maanyitîtwe mavirwe îthamîriorî Babuloni.

Jeremia 40:5

“Weciria gûtigwa gûkû, coka kûrî Gedalia mûvîcî wa Ahikamu, mûvîcî wa Shafani. Gedalia nîwathuurirwe nî mûthamaki wa Babuloni atuîke wa kwatha matûûra ma Juda. Îkaraniani nake na mûtûûranie na andû acio engî, kana ûthiî varîa ûkwona vakwagîrîrîte.” Kwoguo mûnene wa arangîri nîwavere Jeremia kîveo na irio na akîmûrekia athiî.

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Jeremia 40:7

Anene onthe a athigari a mbaara vamwe na andû ao nîmegwire atî mûthamaki wa Babuloni nîwathuurîte Gedalia mûvîcî wa Ahikamu atuîke mûnene wa vûrûri. Wana nîmegwire atî nîwamûtuîte mûrûngamîrîri wa arûme, aka, na ciana na andû arîa athîni arîa mataavirwa îthamîriorî Babuloni.

Jeremia 41:1

Mweri wa mûgwanja, Ishumaeli mûvîcî wa Nethania, na ûmawe Elishama wa nyomba ya ûthamaki, ûmwe wa atongoria arîa anene a mûthamaki nîmaathiîre Mizipa kwa Gedalia marî andû îkûmi. Vîndî îrîa marîcaga irio kûu Mizipa,