Jeremia 38:9 - ÎVUKU RÎA ÛVORO MWARO

⁹ “Mwathi wakwa mûthamaki andû aya nîmekîte ûndû mûcûku mûno. Nîmaikîtie mûrathi Jeremia kîrikorî Kîam manjî; na nîagûkuîra kuo nî yûra, nîûndû mîgate nî mîthiru îtûûrarî.”

Jeremia 38:9 ပူးပေါင်းရင်းမြစ်များ

Ayubu 31:34

Ndianegua guoya ngîrûngama mbere ya mwîngî, ndianakira kana nîvingîra nyomba, ngîîtigîra kûnyararwa na kûthirîkua nî andû.

Jeremia 19:9

Nthû nîikaarigicîria îtûûra rîu na kûgeria kûûraga arîa matûûraga kuo. Nîmagaatûma kûgîe na thîna nene mûno kûu îtûûrarî rîu, na andû mambîrîrie kûrîcana o ene; andû nîmakaarîcaga ciana ciao cia anake na cia erîtu.’

Jeremia 37:21

Kwoguo mûthamaki Zedekia nîwathanire Jeremia aigwe kûrîa arangîri mekaraga. Nake nîwavecagwa mûgate wa mûthenya kuuma kûrî andû arîa marugaga mîgate nginya mîgate îkîthira yonthe kûu îtûûrarî. Kwoguo Jeremia eekaraga kwa arangîri.

Jeremia 38:10

Mûthamaki nîwacokire akîatha Ebedimeleku, Mûethiopia atîrî, “Oca andû athatû kuuma gûkû na mûthiî nao mûkarute mûrathi Jeremia kîrikorî Kîam manjî atanakuîra kuo.”

Jeremia 38:8

Kwoguo Ebedimeleku nîwathiîre kûrî mûthamaki na akîmwîra atîrî,

Jeremia 39:17

Nwatî mûthenya ûcio nie mwene nîngakûvonokia, na ndûkarekererua kûrî arîa wîtigagîra.

Jeremia 52:6

Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Maca 1:11

Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Maca 3:53

Mambikirie îrimarî nîrî mwoyo, na makigîrîra mathiga îgûrû rîakwa.