Jeremia 38:5 - ÎVUKU RÎA ÛVORO MWARO

⁵ Mûthamaki Zedekia nîwaugire atîrî, “Ethîrwa nîguo mûkwona kwagîrîrîte, mwîkeni wa ûrîa mûkwona, nie ndingîmûgiria.”

Jeremia 38:5 ပူးပေါင်းရင်းမြစ်များ

2Sam 19:22

Nwatî Daudi nîwerire Abishai na mûrwang'ina Joabu atîrî, “Nî ûrîkû ûmûûririe woni wenyu? Mûrenda kûnthînia nîkî? Nînie mûthamaki wa Isiraeli, na gûtirî Mûisiraeli wanarî ûmwe ûkûûragwa ûmûnthî.”

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Jeremia 26:14

Nwatî vakwa nie, rîu nîrî njararî cienyu. Mbîkani ûrîa mûkwona ûrî mwaro na mwagîrîru kûrî mue.

Jeremia 37:17

mûthamaki Zedekia nîwatûmanire athiî etwe, na akîmûgwata ûgeni gwake. Nîmaathiîre vandû keverirî kûu gwake mûciî na akîmûria atîrî, “Kûrî na ndûmîrîri ûrî nayo kuuma kûrî Ngai-Mûnene?” Jeremia nîwamûcokerie atîrî, “Kûrî nayo.” Jeremia nîwacokire akiuga atîrî, “Nîûkaanenganîrwa kûrî mûthamaki wa Babulonia.”

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Danieli 6:17

Narîo îthiga nîrîaigîrîrwe mûromorî wa îrima rîu na mûthamaki akîvûra mûvûûri wake na wîngî wa atongoria ake onthe vau îthigarî nîguo gûtikagîe na mûndû ûngîvonokia Danieli.

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 29:9

Nake Akishi nîwacokerie Daudi atîrî, “Ûrî mwathîki mbere yakwa ta mûraika wa Ngai. Kûnarî ûguo atongoria arîa engî a Afilisiti maugîte atî tûtingîthiî nawe mbaararî.