Jeremia 38:20 - ÎVUKU RÎA ÛVORO MWARO

²⁰ Jeremia nîwacokirie atîrî, “Ndûkanenganîrwa kûrî o. Athîkîra mûgambo wa Ngai-Mûnene, wata ûrîa nîrakwîra, na maûndû maku nîmagûtuîka maro na ûvonokie mwoyo waku.

Jeremia 38:20 ပူးပေါင်းရင်းမြစ်များ

Kîam 12:13

We ûkaamera atî wî mwarwaiya, na nîûndû waku o makaambîka maûndû maro na matikaambûraga.”

Kîam 19:20

Taroria gatûûra kaarîa karî vakuvî mûno. Kwoguo tiga nthiî kuo nîûndû wana ethîrwa nî kanini nîngûvonokia mwoyo wakwa.”

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Nthi 4:4

vava nîwanthomithagia akambîra atîrî, “Igaga na kinyi maûndû marîa nîrakûthomithia ngororî yaku; vingagia maathani makwa, na nîûgûtûûra mwoyo.

Nthi 7:2

Rûmagîrîra maathani makwa nîguo ûtûûre mwoyo, mamenyagîrîre ta ûrîa ûmenyagîrîra ndongu ya ritho.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 11:8

Nwatî matiambathîkîra kana manthikîrîria, vandû va ûguo onthe nîmaathiîre na mbere kûmia ngoro na gwîka maûndû macûku. Nînamaathîte marûmîrîre kîrîkanîro gîakwa makîrega, kwoguo nînamaverithirie kûringana na maûndû marîa mandîkîtwe kîrîkanîrorî kîu.”

Jeremia 26:13

Kwoguo rîu rûngariani mîthiîre yenyu na ciîko cienyu, na mwathîkîre mûgambo wa Ngai-Mûnene Ngai wenyu. Nake Ngai-Mûnene nîakwîricûkwa atige gwîka maûndû marîa augîte nîakûmwîka.

Jeremia 38:21

Nwatî ûngîrega kwîvecana kûrî o, Ngai-Mûnene nîamvete kîoneki.

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Ciîko 26:29

Nake Paûlo nîwamwîrire atîrî, “Wana ethîrwa nî kavinda gakuvî kana karaca, îvoya rîakwa kûrî Ngai nî atî we na arîa engî onthe manthikîrîrîtie ûmûnthî matuîke tanie, wa tiga tu matikovwe na mînyororo ta îno!”

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Jakuvu 1:22

Tigani kwîveenia na njîra ya kûthikîrîria kiugo gîake tu, vandû va ûguo îkagani ûrîa kiugîte.