Jeremia 38:2 - ÎVUKU RÎA ÛVORO MWARO

² Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Jeremia 38:2 ပူးပေါင်းရင်းမြစ်များ

Jeremia 21:4

mathiî makeere Zedekia atî Ngai-Mûnene Ngai wa Isiraeli arauga atîrî, “Taroria, nîngwoca indo cionthe cia mbaara, irîa athigari aku maratûmîra kûrûa na mûthamaki wa Babuloni na Akalidei arîa marigicîrîtie îtûûra rîaku. Nîngaciûngania cionthe nîcige gatagatî ka îtûûra rîîrî.

Jeremia 24:8

“Nwatî ûvoro wîgiî Zedekia mûthamaki wa Juda, nie Ngai-Mûnene nîrauga atî, wata ûrîa ngûyû icio irî njûku ûndû itangîrîka, nîguo ngamwîka ke mwene, atongoria andû arîa matigarire Jerusalemu na arîa matûûraga vûrûrirî wa Misiri, wana arîa maathamîre vûrûrirî wa Misiri.

Jeremia 27:11

Nwatî andû a vûrûri wa wonthe ûrîa ûkathîkîra na ûtungatîre mûthamaki wa Babuloni, nîngareka mekare vûrûrirî wao na maûrîmage na matûûre kuo. Ûguo nîguo nie Ngai-Mûnene nauga.”

Jeremia 27:13

Nîndûî gîgûtûma we na andû aku mûkua nî mbaara, yûra na mîrimû? Maûndû mama nîmo Ngai-Mûnene aaugîte nîmagekîka kûrî vûrûri wa wonthe ûrîa ûtagatungatîra mûthamaki wa Babuloni.

Jeremia 29:16

Tathikîrîriani ûrîa Ngai-Mûnene arauga îgûrû rîgiî mûthamaki ûrîa ûrathana kûrîa Daudi aarî mûthamaki, na îgûrû rîgiî andû onthe arîa matûûraga îtûûrarî rîîrî, na andû enyu arîa matavirwa îthamîriorî nao.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 39:18

Nîûndû nama nîngaakûgitîra na ndûkaûragîrwa mbaararî; nwatî nîûkavonokia mwoyo waku nîûndû wîthîrîtwe ûrî mwîvokeku mbere yakwa. Ûguo nîguo nie Ngai-Mûnene nauga.”

Jeremia 42:17

Andû onthe arîa meriragîria kûthiî Misiri nîmagaakuîra kuo nî mbaara, yûra na mîrimû mîcûku. Gûtirî mûndû wanarî ûmwe ûgatigara, kana avonoke kuumana na mûthiro ûrîa ngamaretera.

Jeremia 42:22

Kwoguo, rîu menyani nama atî kûndû kûu mwîrirîrîtie kûthiî gûtûûra, nîmûgaakuîra kuo nî mbaara, yûra na mîrimû.”

Jeremia 44:13

Nîngaverithia arîa matûûraga Misiri wata ûrîa naverithirie Jerusalemu na mbaara, yûra na mîrimû mîcûku.

Jeremia 45:5

Nîkwa ûracaria maûndû manene? Ndûkamacarie! Nîûndû nînîrarete mûthiro kûrî andû onthe a nthî. Nwatî nîngavonokia mwoyo waku kûrîa kuonthe ûkaathiîcaga. Ûguo nîguo nie, Ngai-Mûnene nîrauga.”

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 6:11

Ngai-Mûnene augîte atîrî, “Inainia njara ciaku na ûringithie magûrû maku nthî na uuge: Wûi nîûndû wa maûndû marîa marî mûgiro manekwa nî andû a Isiraeli. Andû a Isiraeli nîmakaaûragwa nî mbaara, yûra na mîrimû.

Ezek 7:15

“Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.