Jeremia 37:7 - ÎVUKU RÎA ÛVORO MWARO

⁷ “Ngai-Mûnene Ngai wa Isiraeli augîte atî: nîûkera mûthamaki wa Juda ûrîa wagûtûmire ûmvoye vandûrî vake, athigari a mûthamaki wa Misiri arîa maûkîte gûgûtethia marî vakuvî gûcoka vûrûrirî wao.

Jeremia 37:7 ပူးပေါင်းရင်းမြစ်များ

2Atha 22:18

Nwatî thiîni kûrî mûthamaki wa Juda ûrîa ûramûtûmire mûgatuîrie ûvoro kûrî Ngai-Mûnene mûmwîre Ngai-Mûnene Ngai wa Isiraeli augîte atî; kûringana na ndûmîrîri îrîa eguîte,

2Atha 24:7

Mûthamaki wa Misiri ndaauma rîngî vûrûrirî wake, nîûndû mûthamaki wa Babuloni nîwocete vûrûri wonthe ûrîa warî wa mûthamaki wa Misiri, kuuma karûnjîrî ka Misiri nginya rûnjîrî rwa Farati.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 30:7

Nîûndû ûtethio wa Misiri nî wa mana na ndûrî kîguni; kwoguo nîmvete Misiri rîîtwa, ‘Rahabu.’ ”

Isaia 36:6

Taroria, we wîvokete Misiri, mûthanje ûcio munîku, ûrîa ûkaamunda njara ya mûndû wa wonthe ûrîa ûgeetiira naguo. Ûguo nîguo mûthamaki wa Misiri ekariî kûrî arîa onthe mamwîvokaga.’

Jeremia 2:18

Nîûgîa na umithio ûrîkû wathiî Misiri kûnyua manjî ma rûnjî rwa Nilo? Kana nî ûgîa na umithio ûrîkû wathiî Asîria, kûnyua manjî ma Rûnjî ma Efarati?

Jeremia 2:36

Wocaga ûvoro wa kûgarûrûka na ûvûthû nîkî ûkagarûrîra mîthiîre yaku? We nîûgûconorithua nî andû a Misiri, wata ûrîa waconorithirue nî andû a Sîria.

Jeremia 2:37

Nîmûkauma kûu Misiri, mwîkîrîte njara ciongo nî nthoni. Nie Ngai-Mûnene nîndeganîte na andû arîa wîvokete, na ûtethio wao ndûgatûma maûndû maku mavue.

Jeremia 21:1

Îno nîo ndûmîrîri îrîa yakinyîre Jeremia yumîte kûrî Ngai-Mûnene, rîrîa mûthamaki Zedekia aatûmire Pashuri mûvîcî wa Malikia, na Zefania mûthînjîri-Ngai mûvîcî wa Maseia, makamwîre atîrî,

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 37:3

Mûthamaki Zedekia nîwatûmire Jehukali mûvîcî wa Shelemia, na mûthînjîri-Ngai Zefania mûvîcî wa Maaseia kûrî mûrathi Jeremia akîmwîra atîrî, “Tûvoere kûrî Ngai-Mûnene Ngai wetû.”

Jeremia 37:5

Athigari a mbaara a Akalidei nîmaacîgîrîrîtie îtûûra rîa Jerusalemu marîtharîkîre, na rîrîa meegwire athigari a mbaara a mûthamaki wa Misiri nîmaakîrîte mûvaka maumîte Misiri, athigari a mbaara a Akalidei namaaûrire makiuma kuo.

Jeremia 37:6

Nakîo kiugo Kîam Ngai-Mûnene nîgîakinyîre mûrathi Jeremia akîrwa atîrî,

Maca 1:7

Vîndî îno Jerusalemu îrî nyomomoku nîîraririkana riiri ûrîa yarî naguo. Rîrîa rîagûîre njararî cia nthû ciarîo, nthû ciarîo nîciakenagîrîra kûgwa kwa rîo.

Maca 4:17

Twekarire tweterere ûtethio tûkînoga, twetererete ûtethio kuuma kûrî vûrûri ûtangîtûvonokia.

Ezek 17:17

Mûthamaki wa Misiri na gîkundi gîake kînene Kîam athigari a mbaara ndakaamûtethia kûrûa rîrîa athigari a mbaara a Babuloni magaatuma rûthingo rûrî na vinya na mamûrigicîrie nîguo maûrage andû eengî.

Ezek 29:16

Andû a Isiraeli matigaacoka kwiga mwîvoko wao kûrî vûrûri wa Misiri. Nîmakaamenya mavîtia mao ma kûvoya ûtethio kûrî andû a Misiri. Nao Aisiraeli nîmakaamenya atî Nie nînie Ngai-Mûnene Ngai.”

Ezek 30:22

Kwoguo, nie Ngai-Mûnene Ngai mbugîte atî nîngûrûa na mûthamaki wa Misiri. Nîngaauna njara ciake cioîrî. Mune njara îrîa îrî na vinya na mune njara îrîa munîku, na ndûme rûviû rûrîa anyitîte rûgwe nthî.