Jeremia 37:18 - ÎVUKU RÎA ÛVORO MWARO

¹⁸ Jeremia nîwacokire akîûria mûthamaki Zedekia atîrî, “Nî ûndû ûrîkû mbîkîte mûcûku kana ngavîtîria ndungata ciaku kana andû aya, atî nîguo ûmvingîrithie njeera?

Jeremia 37:18 ပူးပေါင်းရင်းမြစ်များ

Kîam 31:36

Jakovu nîwarakarire na agîtetia Labani na akîmûria atîrî, “Mavîtia makwa nî marîkû? Nî mevia marîkû mbîkîte mau matûmîte ûnûmîrîrie na vinya ûguo?

Nthi 17:13

Ûngîrîvia wega na ûcûku, thîna ndîkaathira gwaku mûciî.

Nthi 17:26

Gûtiagîrîrîte kûverithia mûndû ûtarî na mavîtia, rîrîa andû matarî na mavîtia makûverithua, kîvooto gîtirûmagîrîrwa.

Jeremia 26:19

“Mûthamaki Hezekia wa Juda na andû onthe a Juda nîmaamûragire? Kinthî tîkwa Hezekia etigîre Ngai-Mûnene na agîcaria wendi wake nake Ngai-Mûnene akîricûkwa gwîka maûndû macûku marîa augîte nîakûmeka? Nwatî tue nîkwa tûregîrîra ûndû mûcûku mûno.”

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Johana 10:32

Nwatî Jesû nîwamerire atîrî, “Mue mûrî onu ngîka maûndû meengî maro mvotithîtue nî Vava; gatagatîrî ka mo nî ûndû ûrîkû ûratûma mwende kûmbûraga?”

Ciîko 23:1

Paûlo nîwaroririe athuuri a Kîamma araûkîtie mûno na akiuga atîrî, “Ariû na aarî a îthe wetû, methorî ma Ngai nie nîndûûrîte nîrî na thamiri ntheru nginya mûthenya ûyû wa ûmûnthî.”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Ciîko 25:11

Ethîrwa nîmunîte watho na ngeka ûndû ûngîtûma nduîrwe kûûragwa, nie ndirauga ndigatuîrwe kûûragwa. Nwatî ethîrwa maûndû mau nthitangîtwe nîûndû wamo matirî na ûma, gûtirî mûndû ûrî na kîvooto gîa kûnenganîra kûrî o. Nie nînacokia ciira riiko kûrî mûthamaki wa Roma.”

Ciîko 25:25

Nwatî monire atî ke tîmwîku wa naarî ûndû ûngîtûma atuîrwe kûûragwa. Na nîûndû ke mwene nîacokirie ciira riiko acirithue nî mûthamaki wa Roma, nînthondekire îtua avirwe kûrî ke.

Ciîko 25:8

Nwatî Paûlo ke mwene nîwetetere akiuga atîrî: “Gûtirî ûndû nie mbîkîte ûreganîte na watho wa Ayahudi, kana ûreganîte na hekarû wana kana ûreganîte na mûthamaki wa Roma.”

Ciîko 26:31

Rîrîa maarîkirie kuuma kûu nyombarî ya gûcemanîrua nîmeeranire atîrî, “Mûndû ûyû tî mwîku ûndû wana ûmwe ûngîtûma ovwe kana atuîrwe kûûragwa.”

Agal 4:16

Nîkwa rîu nduîkîte nthû yenyu nîûndû wa kûmwîra ûma?