Jeremia 36:9 - ÎVUKU RÎA ÛVORO MWARO

⁹ Mwaka wa gatano wa Jehoiakimu mûvîcî wa Josia, mûthamaki wa Juda, mwerirî wa kenda, andû onthe a Jerusalemu na andû arîa maumîte matûûrarî ma Juda nîmanîrîre mûthenya wa kwînyerekia mbere ya Ngai-Mûnene.

Jeremia 36:9 ပူးပေါင်းရင်းမြစ်များ

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

Nehemia 9:1

Mûthenya wa mîrongo îîrî na îna wa mweri wa ûcio andû a Isiraeli nîmaagomanire vamwe. Nîmeenyerekirie na magîkîra nguo cia macakaya na makîîminjîria rûkûngû ciongorî ciao.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Jeremia 36:1

Mwaka wa kana Jehoiakimu mûvîcî wa Josia arî mûthamaki wa Juda, kiugo Kîam Ngai-Mûnene nîgîakinyîre Jeremia akîrwa atîrî,

Jeremia 36:22

Vîndî îo kwarî mweri wa kenda, na mûthamaki eekarîte nyomba îrîa ekaraga vîndî ya mvevo agîota mwaki.

Jeremia 36:6

Kwoguo mûthenya wa mbere wa kwîvinga kûrîa irio, nîûkaathiî nyombarî ya Ngai-Mûnene na ûthomere andû onthe ciugo cia Ngai-Mûnene irîa nakwathire wandîke îvukuurî rîîrî rîa gîkûnjo ngîkwîraga. Nîûkaithoma mbere ya andû onthe a Juda arîa makethîrwa maûkîte kuuma matûûrarî mao.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:14

Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.

Alawi 23:27

“Mûthenya wa îkûmi mwerirî wa mûgwanja wa mwaka wa mwaka nîrîo mambura ma kûtheria mevia ma andû a Isiraeli makaarûthagwa. Mûkenyerekagia mûthenya ûcio, na mûkagomana vamwe mûgooce na mûndutîre Nie, Ngai-Mûnene îtega rîa kûvîvua.

Jona 3:5

Andû a Nineve nîmeetîkirie ndûmîrîri ya Ngai îo meerirwe nî Jona. Kwoguo nîmaanîrîre kûgîe na îvinda rîa wînyerekia. Andû onthe nîmeekîrire nguo cia macakaya kuuma ûrîa mûnene nginya ûrîa mûnini.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

Atir 20:26

Andû onthe a Isiraeli nîmaacokire makîthiî Betheli na magîcakaîra kuo. Nîmeekarire mbere ya Ngai-Mûnene kuo na makîînyerekia nginya kîvwaî na nîmaarutîre Ngai-Mûnene magongoona ma kûvîvua na ma thayû.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)