Jeremia 36:2 - ÎVUKU RÎA ÛVORO MWARO

² “Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 36:2 ပူးပေါင်းရင်းမြစ်များ

Ezira 6:2

Na rîrîa gwatuîrirue nîkwonekire îvuku rîa gîkûnjo rîrî na mûtaratara wa maûndû marîa mûthamaki Cairasi aathanire mekwe. Îvuku rîu rîarî Ekibatana îtûûrarî înene rîa vûrûri wa Media. Narîo rîandîkîtwe atîrî:

Ayubu 31:35

Naarî kethîrwa nîrî na mûndû wa kûnthikîrîria! Nînevîta atî maûndû marîa mbarîtie nî ma ma, Ngai mwene vinya nîanjokerie! Naarî kethîrwa maûndû marîa nthitangîtwe namo nî nthû ciakwa nîmandîke!

Thaburi 40:7

kwoguo nînaugire atîrî, “Nie nîrî ava; maûndû marîa mbagîrîrwe nî gwîka marî îvukuurî rîa Watho.

Ntha 17:14

Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Isaia 8:1

Ngai-Mûnene nîwambîrire atîrî, “Oca rûvaû rûnene na wandîke îgûrû rîaruo na ndemwa nene ingîthomeka: “Tava na îvenya! Oca narua!”

Jeremia 1:10

Rîu nînakûva wathani îgûrû rîa mavûrûri na mothamaki, nîguo ûmakûûre na ûmomomore, ûmacûkangie na ûmagwîthie, ûmatume na ûmavande.”

Jeremia 1:5

“Mbere ya ngûmba îvurî rîa nyûkwe nînagwîcî, na mbere ya ûciarwe nînakwamûrire; nînakûthuurire ûtuîke mûrathi kûrî mavûrûri.”

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Jeremia 2:4

Thikîrîriani ndûmîrîri ya Ngai-Mûnene, mue njiarwa cia Jakovu na mîvîrîga yonthe ya Isiraeli.

Jeremia 25:3

“Îvinda rîa mîaka mîrongo îîrî na îthatû (23) kuuma mwaka wa îkûmi na îthatû Josia mûvîcî wa Amoni, arî mûthamaki wa Juda nginya ûmûnthî, Ngai-Mûnene ethîrîtwe akîmbarîria. Vîndî îo yonthe mbîthîrîtwe ngîmûva ndûmîrîri îo ndagûtigithîrîria, nwatî mue nîmwaregire kûmîthikîrîria.

Jeremia 30:2

“Nie Ngai-Mûnene, Ngai wa Isiraeli nîrakwîra wandîke maûndû monthe marîa nakwîra îvukuurî.

Jeremia 36:14

Nao atongoria onthe nîmaatûmire Jehudi mûvîcî wa Nethania, Nethania mûvîcî wa Shelemia, Shelemia mûvîcî wa Kushi akeere Baruku atîrî, “Oca îvuku rîa Gîkûnjo rîrîa wathomere andû onthe na ûûke narîo ava.” Kwoguo Baruku mûvîcî wa Neria nîwocire îvuku rîu rîa gîkûnjo na akîthiî kûrî o.

Jeremia 36:18

Nake Baruku nîwamacokerie atîrî, “Nîke wambîraga ciugo ino cionthe nanie ngîandîkaga na karamu ka rangi îvukuurî rîîrî rîa gîkûnjo.”

Jeremia 36:23

Jehudi athoma icunjî ithatû kana inya, mûthamaki nîwatembûrangaga icunjî icio na kaviû, na agîcikia mwakirî. Nîwatembûrangire îvuku rîonthe rîa gîkûnjo na akîrîvîvia rîkîthira.

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 36:6

Kwoguo mûthenya wa mbere wa kwîvinga kûrîa irio, nîûkaathiî nyombarî ya Ngai-Mûnene na ûthomere andû onthe ciugo cia Ngai-Mûnene irîa nakwathire wandîke îvukuurî rîîrî rîa gîkûnjo ngîkwîraga. Nîûkaithoma mbere ya andû onthe a Juda arîa makethîrwa maûkîte kuuma matûûrarî mao.

Jeremia 45:1

Ino nîcio ciugo irîa mûrathi Jeremia aaririe mwaka wa kana vîndî ya wathani wa Jehoiakimu mûvîcî wa Josia, nake Baruku mûvîcî wa Neria nîwandîkaga ciugo icio îvukuurî.

Jeremia 51:60

Nînandîkire îvukuurî maûndû macûku marîa mavatiî gûkinyîra Babuloni na maûndû mengî megiî Babuloni.

Ezek 2:9

Rîrîa naroririe, nonire njara îtambarûkîtue na kûrî nie îrî na îvuku rîa gîkûnjo rîrî rîandîke.

Hosea 8:12

Wana nîngîamandîkîre maathani makwa mavinda meengî atîa, o mangîamoonaga marî kîndû kîgeni tu.

Gûco 31:24

Musa nîwandîkire ciugo cionthe cia watho wa Ngai îvukuurî atagûtigîrîra wanarî kiugo.

Ahib 10:7

Nie nînaacokire ngiuga atîrî, ‘Nîrî ava nîguo mbîke wendi waku we Ngai, wata ûrîa ûvoro wakwa wandîkîtwe îvukuurî rîa Watho.’ ”