Jeremia 34:1 - ÎVUKU RÎA ÛVORO MWARO

¹ Mûthamaki Nebukadinezarû wa Babuloni nîwaûkire na athigari ake a mbaara kuuma mavûrûri monthe marîa aathanaga na akîtharîkîra îtûûra rîa Jerusalemu vamwe na matûûra marîa mengî ma Juda. Vîndî îo ndûmîrîri kuuma kûrî Ngai-Mûnene nîyakinyîre Jeremia akîrwa atîrî,

Jeremia 34:1 ပူးပေါင်းရင်းမြစ်များ

Jeremia 1:15

Rîu, nînîreta mîvîrîga yonthe ya mothamaki ma mwena wa rûgûrû. Nao athamaki a mo nîmakaaiga itî ciao cia ûthamaki mîromorî ya Jerusalemu na maciige ithiûrûkîrîtie nthingo ciarîo na matûûra monthe ma Juda.

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 32:1

Ngai-Mûnene nîwarîrie Jeremia mwaka wa îkûmi vîndî îrîa Zedekia aarî mûthamaki wa Juda, na nwaguo warî mwaka wa îkûmi na înana wa mûthamaki Nebukadinezarû.

Jeremia 32:2

Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Jeremia 34:7

vîndî îrîa athigari a mbaara a Babuloni maatharîkagîra Jerusalemu na matûûra ma Juda marîa maatigarîte marî mairigîre ma Lakishi na Azeka.

Danieli 4:1

Mûthamaki Nebukadinezarû nîwatûmire ndûmîrîri îno kûrî andû a iruka cionthe, mavûrûri monthe na andû a nthiomi cionthe arîa matûûraga nthî yonthe akîmeera atîrî, “Mûrogîa na thayû!

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.