Jeremia 32:5 - ÎVUKU RÎA ÛVORO MWARO

⁵ Zedekia nîakaavirwa Babuloni na nîagaatûûra kûu nginya rîrîa ngatua ûrîa ngeeka nake. Wana arûa na andû a Babuloni, ndakavootana. Ûguo nîguo nie Ngai-Mûnene nauga.’ ”

Jeremia 32:5 ပူးပေါင်းရင်းမြစ်များ

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 24:20

Roho wa Ngai nîwanyûrûrûkire kûrî Zakaria mûvîcî wa Jehoiada mûthînjîri-Ngai. Nîwarûngamire vandû andû onthe maavotaga kûmwona na akîmeera atîrî, “Ngai araûria, nîndûî gîtûmaga mune maathani ma Ngai-Mûnene! Mûtingîthatûkwa nîûndû nîmûmûregete; kwoguo wanake nîamûregete.”

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Jeremia 2:37

Nîmûkauma kûu Misiri, mwîkîrîte njara ciongo nî nthoni. Nie Ngai-Mûnene nîndeganîte na andû arîa wîvokete, na ûtethio wao ndûgatûma maûndû maku mavue.

Jeremia 27:22

Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 32:6

Nake Jeremia nîwaugire atîrî, “Ciugo cia Ngai-Mûnene nîcianginyîre ngîrwa atî;

Jeremia 33:5

Andû nîmaakageria kûrûa na Akalidei, nwatî matikavota nîûndû marima ma kwîthitha nî magecûra ciimba cia andû arîa ngaûraga nîrî na marakara na mang'ûrîka. Nîngamatiganîria nîûndû wa wîvia ûcio wonthe mekîte.

Jeremia 37:10

Nîûndû wana ethîrwa nwa mûvoote athigari onthe a mbaara a Akalidei arîa mûrarûa nao, matigare amwe ao marî agurarie, wa mûndû arî îgemarî rîake, athigari acio nîmagaûka mavîvie îtûûra rîîrî na mwaki.”

Jeremia 39:4

Rîrîa Zedekia mûthamaki wa Juda na athigari ake onthe maamonire, nîmaaumire kûu îtûûrarî ûtukû makîûra. Mavîtûkîrîre mûgûndarî wa maûa wa mûthamaki, matonyerete mûrangorî ûrîa warî gatagatî ka nthingo igîrî na makîthiî merekerete Araba.

Jeremia 39:5

Nwatî athigari a mbaara a Akalidei nîmaamarûmîrîre na magîkinyîra Zedekia vakuvî na Jeriko. Mamûnyita nîmaamûvirire kûrî mûthamaki Nebukadinezarû îtûûrarî rîa Ribula vûrûrirî wa Hamathi, nake mûthamaki nîwamûtuîrîre.

Jeremia 39:7

Nîwakûrire Zedekia metho na akîmwova na mvîngû nîguo avirwe Babulonia.

Maca 1:14

“Nîwatarire mevia makwa monthe, na akîmovania monthe vamwe. Nîwamoverere ngingorî yakwa, ngîthira vinya nîûndû wa ûrito wa mo. Mwathani nîwandekererie njararî cia nthû ciakwa, irîa ndangîavotire gwîtirîria.

Ezek 12:12

Mûtongoria ûrîa ûrî gatagatî kao nîagaakuua mûrigo wake kûrî na nduma, na aumîrîre îrimarî rîrîa aatûrîkirie rûthingorî na athiî. Nîagaakunîka ûthiû wake nîguo ndakoone vûrûri kûrîa athiîte.

Ezek 12:13

Nîngaakûnjûra neti ta mûtego nîguo agwatue nîyo na nîngaamûvira Babuloni vûrûrirî wa Akalidei. Kûnarî ûguo ndakaawona, wana ethîrwa nîagaakuîrîra kuo.

Ezek 17:15

Nwatî mûthamaki wa Jerusalemu nîwareganire na mûthamaki wa Babuloni. Nîwatûmire aarîrîria a vûrûri wake makîthiî nginya Misiri nîguo mûthamaki wa Misiri amûve mbarathi na athigari a mbaara. Mûthamaki wa Jerusalemu nî akaavootana? Mûndû ûrîa wîkîte ûguo nwa avonoke nîûndû nî aunîte kîrîkanîro? Kinthî twa nginya averithue?”

Ndari 14:41

Nwatî Musa nîwaugire atîrî, “Nîndûî gîtûmaga mûrega kwathîkîra Ngai-Mûnene? Mûtikavootana!