Jeremia 32:24 - ÎVUKU RÎA ÛVORO MWARO

²⁴ “Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 32:24 ပူးပေါင်းရင်းမြစ်များ

2Sam 20:15

Rîrîa andû arîa maarî na Joabu meegwire atî Sheba aarî îtûûrarî rîu, nîmaathiîre na makîrîrigicîria. Nîmaaûmbîrîre mûthetu rûthingorî rûrîa rwarî mwena wa nja, na makîambîrîria kwînja nthî ya rûthingo rûu nîguo rûomomoke.

Isaia 37:33

“Kwoguo ûvoro wîgiî mûthamaki wa Asîria Ngai-Mûnene arauga atî: ‘Ke ndagaaûka îtûûrarî rîîrî, kana aikia mûguî kuo, kana atonya kuo na ngo, kana arîcîgîrîria arîtharîkîre.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 20:5

Îgûrû rîa ûguo, ûtonga wonthe wa îtûûra, umithio warîo, indo cionthe ciarîo cia goro, vamwe na igîîna cia mûthamaki wa Juda, nîngairekereria itavwe nî nthû ciao na vinya, maivire vûrûrirî wa Babuloni.

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 29:17

Ngai-Mûnene mwene vinya wonthe arauga atî, ‘Nîngûmaretere mbaara, yûra na mîrimû, na ndûme matuîke ta ngûû mboru na njûku mûno ûndû itangîrîka.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 32:25

Nwatî we Ngai-Mûnene, nîwe wambîrire ngûre mûgûnda na mbeca na mbige aira, wana ethîrwa îtûûra rîîrî rîrî vakuvî kûtharîkîrwa nî andû a Akalidei.”

Jeremia 32:28

Kwoguo, nie Ngai-Mûnene nîrauga atî nîngûvecana îtûûra rîîrî kûrî Akalidei na kûrî Nebukadinezarû Mûthamaki wa Babuloni na nîakûrîgwata.

Jeremia 32:3

Zedekia mûthamaki wa Juda nîke wavingîrîte Jeremia, akîmûragia atîrî, “Nîndûî gîtûmîte ûrathe maûndû ûkiugaga Ngai-Mûnene augîte atî, ‘Nîngûvecana îtûûra rîîrî kûrî mûthamaki wa Babuloni na nîakûrîîgwatîra.

Jeremia 32:36

Kwoguo rîu, Ngai-Mûnene Ngai wa Isiraeli arauga ûvoro wîgiî îtûûra rîîrî atîrî, “Jeremia, andû aya marauga atî na njîra ya mbaara, yûra na mîrimû vûrûri ûyû nîûkaarekerua kûrî mûthamaki wa Babuloni. Nwatî nie nîrauga atî,

Jeremia 32:5

Zedekia nîakaavirwa Babuloni na nîagaatûûra kûu nginya rîrîa ngatua ûrîa ngeeka nake. Wana arûa na andû a Babuloni, ndakavootana. Ûguo nîguo nie Ngai-Mûnene nauga.’ ”

Jeremia 33:4

Nîûndû Ngai-Mûnene Ngai wa Isiraeli arauga atî, nyomba cia îtûûra rîa Jerusalemu, na nyomba cia athamaki a Juda nîikomomorwa nîûndû îtûûra rîu nîrîrigicîrie na rîkatharîkîrwa.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 52:4

Kwoguo, mûthenya wa îkûmi wa mweri wa îkûmi mwaka wa kenda wa ûthamaki wa Zedekia, mûthamaki Nebukadinezarû nîwathiîre na athigari ake onthe a mbaara akîtharîkîra îtûûra rîa Jerusalemu, na makîrîthiûrûkîria na mîena yonthe.

Jeremia 52:6

Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Jeremia 6:6

Ngai-Mûnene mwene vinya wonthe arauga atîrî, “Kûrani mîtî yarîo, ûmbani mûthetu ivumbu ithiûrûrûkîrîtie Jerusalemu. Nwanginya îtûûra rîîrî rîverithue, nîûndû rîcûrîtwe nî kûvinyanîrîria.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Ezek 21:27

Nîngûcûkangia îtûûra rîu viû na rîtigacoka kwonwa rîngî. Nwatî ndigwîka ûguo nginya agaûka ûrîa mwagîrîru nîrînenganîre kûrî ke.

Ezek 26:8

Nîagaacûkangia matûûra marîa mariganîtie na Turo vûrûrirî na acoke akûrigicîrie nîguo akûtharîkîre. Nîakaaûmba ivumbu cia mûthetu kûu nthingorî icio na akûrigicîrie na ngo akûtharîkîre.

Ezek 4:2

Rîrigicîrie, ûtume rûthingo rwa kûrîrigicîria, na ûmbe kîvumbu Kîam mûthetu rûthingorî, ûtume kûndû gwa gwîkarwa nî athigari, na wige mîtî mînene ya kwomomora rûthingo mîena yonthe ya îtûûra.

Habakuku 1:10

Nîmanyararaga athamaki, na makathekerera atongoria. Nîmathekagîrîra kûrîa kuonthe kûgitîre, na makamikîrîra nthingo icio na mûthetu na makainyita.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.