Jeremia 32:18 - ÎVUKU RÎA ÛVORO MWARO

¹⁸ We nîwonanagia wendo ûtathiraga kûrî andû ngiri na ngiri nyîngî, nwatî nîûverithagia andû nîûndû wa mevia ma methe. We ûrî Ngai ûrî vinya na ûvoti na rîîtwa rîaku nî Ngai-Mûnene Mwene Vinya Wonthe.

Jeremia 32:18 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

2Atha 9:26

‘Nama îgoro nînîronire kimba Kîam Nabothi wana ciimba cia anake ake. Ngaakûûragîra mûgûndarî wa ûyû nîguo nîîrîvîrîrie.’ Kwoguo Jehu nîwerire mûrangîri wake atîrî ‘Oca kimba gîake ûthiî ûgikie mûgûndarî wa Nabothi, wata ûrîa Ngai-Mûnene aaugire.’ ”

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Thaburi 89:9

We nîwathaga ndivû cia îria, nîûvoragîria makûmbî ma rîo rîrîa mambarara.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 10:21

Andû a Isiraeli arîa magaatigara nî magaacokerera Ngai mwene Vinya.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 10:6

We Ngai-Mûnene gûtirî wîngî wîkariî tawe, we wî mûnene na rîîtwa rîaku rîrî vinya mwîngî.

Jeremia 20:11

Nwatî we Ngai-Mûnene ûrî vamwe nanie, kûrî nie we ûrî mûthigari njamba ya kûmakania; kwoguo arîa manyariraga matikamvoota, nîmagaconoka mûno nîûndû matikavootana. Gîconoko Kîamo nîgîtûûra tene na tene gîtikariganîra.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 33:2

Ngai-Mûnene ûrîa waûmbire nthî, ûrîa wamîrûthire na akîmîvanda, ûrîa wîtagwa Ngai-Mûnene arauga atîrî,

Jeremia 50:34

Ûrîa mûkûri wao arî vinya. Rîîtwa rîake nî Ngai-Mûnene mwene vinya wonthe. Nama nîngamacirîrîra nîguo ndûme nthî îgîe na thayû, nwatî vûrûri wa Babuloni nîmakaagîa na thîna.”

Danieli 2:45

Nîwonire ûrîa îthiga rîavarûkire kuuma nguvarî rîtavutîtue nî mûndû, na ûkîona ûrîa rîaringire mûvuano ûcio wa cuuma, gîcango, yûmba, sîlûva na thaavu. Ngai ûrîa mûnene nîakûmenyithîtie we mûthamaki, maûndû marîa magekîka vuvarî. Kîrooto gîkî nî Kîam ma na ûguo nagîtaûra nî ûvoro wa ma.”

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Luka 6:38

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.