Jeremia 32:15 - ÎVUKU RÎA ÛVORO MWARO

¹⁵ Nîûndû Ngai-Mûnene, mwene vinya wonthe na Ngai wa Isiraeli augîte atî andû nîmakaagûra rîngî nyomba, ithaka na mîgûnda ya mîthavibu vûrûrirî ûyû.”

Jeremia 32:15 ပူးပေါင်းရင်းမြစ်များ

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 31:24

Andû a Juda na matûûra ma kuo monthe, arîmi, arîthi arîa mathiûrûrûkaga kûndû na kûndû na ndîthia ciao.

Jeremia 31:5

Nîmûkavanda mîthavibu rîngî îgûrû rîa irîma cia Samaria. Arîmi makavanda mbegû na nîmagaakenera matunda mayo.

Jeremia 32:14

“Ngai-Mûnene mwene vinya wonthe, Ngai wa Isiraeli nîakwathîte na agakwîra woce maarûa ya kûgûra mûgûnda na maarûa îrîa mvinge wana îrîa îtarî mvinge na ûciige nyûngûrî nîguo ciîkare kavinda karaca.

Jeremia 32:25

Nwatî we Ngai-Mûnene, nîwe wambîrire ngûre mûgûnda na mbeca na mbige aira, wana ethîrwa îtûûra rîîrî rîrî vakuvî kûtharîkîrwa nî andû a Akalidei.”

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Ezek 28:26

Nîmagaatûûra kuo marî agitîre. Nîmagaatuma nyomba kuo na mavande mîtî ya mîthavibu. Magaatûûra marî agitîre nîûndû nîngaaverithia mavûrûri marîa mariganîtie nao marîa maamavinyagîrîria. Na nîmakaamenya atî nie nînie Ngai-Mûnene Ngai wao.”

Zakaria 3:10

Mûthenya ûcio wakinya, wa mûndû wa mûndû nîagetaga mûndû ûrîa mariganîtie nake athiî magekare rungu rwa mîthavibu na rungu rwa mîkûyû makenere thayû na ûgacîru wa vûrûri. Ûgo nîguo Ngai-Mûnene mwene vinya wonthe arauga.”