Jeremia 32:10 - ÎVUKU RÎA ÛVORO MWARO

¹⁰ Nînekîrire kîrore maarûarî ya mûgûnda na ngîmîvinga mbere ya aira a ûndû ûcio na ngîrîva mûgûnda makîonaga.

Jeremia 32:10 ပူးပေါင်းရင်းမြစ်များ

Kîam 23:16

Iburahimu nîwetîkîrire na akîthimîra Efironi mbeca irîa ke aagwetete andû onthe marî vo. Nacio ciarî sîlûva magana mana ithimîtwe na kîthimi kîrîa kîegucanîrîtwe nî andû arîa magûraga makîendagia indo.

Kîam 23:20

Kwoguo mûgûnda ûcio wa Ahiti vamwe na ngurunga îrîa yarî kuo, nîwatuîkire wa Iburahimu wa kûthikanaga.

Ayubu 14:17

Nîûkaanjovera mevia makwa na ûnthengutîrie mo, na ûthirie mavîtia makwa.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Isaia 30:8

Ngai nîwambîrire atîrî, “Rîu thiî wandîke ûvoro ûcio kîvengererî, na ûwandîke îvukuurî, nîguo ûtuîke ûira wa mavinda marîa magaaûka nginya tene na tene.

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Jeremia 32:12

Nînanenganîre maarûa îo ya ûgûri wa mûgûnda kûrî Baruku mûvîcî wa Neria; Neria ararî mûvîcî wa Mahiseia. Namûnengeere maarûa îo mbere ya Hanameli mûvîcî wa mama, na mbere ya aira aîrî arîa meekîrîte kîrore maarûarî îo ya kûgûra mûgûnda na mbere ya Ayahudi onthe arîa maarî vau nja ya kîvaro Kîam arangîri.

Jeremia 32:25

Nwatî we Ngai-Mûnene, nîwe wambîrire ngûre mûgûnda na mbeca na mbige aira, wana ethîrwa îtûûra rîîrî rîrî vakuvî kûtharîkîrwa nî andû a Akalidei.”

Jeremia 32:44

Andû nîmakaagûra mîgûnda îo na mbeca na mekîre irore maarûarî cia mîgûnda, na ivingwe na kûgîe na aira vûrûrirî wa Benjamini, vakuvî na Jerusalemu, vakuvî na îtûûra rîa Juda, matûûrarî marîa marî vûrûrirî ûrîa ûrî irîma, na matûûrarî ma Shefela na matûûra marîa marî werûrî wa Negebu. Nîûndû nîngamacokia rîngî vûrûrirî wao. Nie Ngai-Mûnene nînie nauga ûguo.”

Danieli 8:26

Cioneki ciîgiî magongoona ma kîraûko na ma kîvwaî marîa matarîrîtue nîkavinga. Nwatî nîmaigîtwe marî nthithorî, nîûndû nîgûgwîkara kavinda karaca nginya rîrîa magaatuîkîka.’

Mathaayo 27:66

Kwoguo nîmaathiîre na magîkîra îthiga rîrîa rîavingîte mbîrîra mûvûûri na magîcoka magîtiga athigari marangîrîte mbîrîra.

Johana 3:33

Nwatî mûndû wa wonthe wîtîkagîra ûira wake, nîatuîkaga mûira atî Ngai nî wa ma.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

2Akor 1:22

Ke nîwekîrire rûûri rwake kûrî tue rwa kwonania atî tûrî ake, na nîwekîrire Roho wake ngororî cietû wa gûtwonia nama kîrîa kîonthe atwigîrîte.

Aefeso 1:13

Wa namue nîmwatuîkire andû a Ngai vîndî îrîa mwegwire ndûmîrîri ya ma, na nîyo ûvoro mwaro wa kûvonokua kwenyu. Nîmwetîkirie Kristû na Ngai akîmûvûra mûvûri wa kwonania atî mûrî ake na njîra ya kûmûva Roho Mûtheru ûrîa aamwîrîrîte.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

Gûco 32:34

“Ngai-Mûnene augîte atîrî, Nîmvangîte ûrîa ngwîka andû a Isiraeli na nthû ciao, nwanie mbîcî ûrîa mvangîte gwîka.

Josh 18:9

Kwoguo andû acio nîmaathiîre na nîmaathiûrûrûkire vûrûri wonthe. Nao nîmaandîkire ûrîa makûgaania vûrûri ûcio icunjî mûgwanja na makîandîka marîîtwa ma matûûra monthe. Nîmaacokire makîthiî Shilo kûrî Joshua kûrîa andû a Isiraeli maambîte magema.

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.

Kûguû 9:4

Nacio nîcierirwe itigacûkie nyaki, kana mîtî, wana kana mûmera wa wonthe. Cierirwe icûkie tu andû arîa mataarî na mûvûûri wa Ngai ithithiirî ciao.

Ruthu 4:1

Boazu nîwathiîre kîvingorî gîa îtûûra na agîkara nthî vo. Nake mûndû ûrîa wa kuuma mbarî ya Elimeleku Boazu aarîtie ûvoro wake nîwavîtûkîrîre vau. Boazu nîwetire mûndû ûcio na akîmwîra atîrî, “Mûrata wakwa, ûka wîkare nthî ava.” Kwoguo mûndû ûcio nîwathiîre varî Boazu na agîkara nthî vo.