Jeremia 31:9 - ÎVUKU RÎA ÛVORO MWARO

⁹ Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Jeremia 31:9 ပူးပေါင်းရင်းမြစ်များ

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

Thaburi 107:7

Nîwamatongoririe njîrarî nûngarû, nginya magîkinya îtûûrarî rîrîa maatûûrire.

Thaburi 23:2

Nîatûmaga mvurûke kûrîa kûrî na nyaki mbîthî, na nîandongoragîria kûrîa kûrî na manjî matheru.

Thaburi 89:27

Nîngaatûma atuîke mwana wakwa wa îrikithathi, mûthamaki mûnene gûkîra athamaki onthe a nthî.

Ntha 4:22

Nawe nwanginya wîre mûthamaki, Ngai-Mûnene augîte atî, ‘Isiraeli nî îrikithathi rîakwa rîa mwanake.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 43:20

Nyamû cia kîthaka nîikaandîîa, ciathi na nyaga nîikaangumia; nîûndû nîngaatûma werûrî kûgîe na manjî, werûrî kûgîe na nyûnjî, nîguo andû akwa arîa athuure monage gîa kûnyua.

Isaia 45:11

Ngai-Mûnene Ûrîa Mûtheru wa Isiraeli, ûrîa mûmûmbi arauga atîrî, “Nwa mûmbûrie ûvoro wa ciana ciakwa, kana mûmbathîre wîra ûrîa ndutaga nie mwene?

Isaia 57:14

Ngai-Mûnene arauga atîrî, “Tûgûtani, tûgûtani, thondekani njîra, thengutiani ithukî cionthe njîrarî ya andû akwa!

Isaia 63:13

Ngai-Mûnene aamatongorerie makîthiîra kûu kûriku ta mbarathi irî werûrî na matiavîngwa.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Jeremia 3:4

Kinthî ndwarîkia kûmbîta wauga atî: “We nîwe vava wamendire kuuma nîrî mwana.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Jeremia 50:4

Ngai-Mûnene arauga atîrî, “Îvinda rîu rîakinya, andû a Isiraeli na Juda nîmakaagomana vamwe makîrîraga, makînjaragia nie Ngai-Mûnene, Ngai wao.

Hosea 12:4

Nîwagianire na mûraika na akîmûvoota, nîwamûkaîre na akîmûthaitha amûrathime. Arî Betheli nîwacemanirie na Ngai, na arî kûu Ngai nîwaranîrie nake.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Malaki 2:10

Na kinthî tuonthe tûtirî a îthe ûmwe? Na kinthî tuonthe tûtiaûmbirwe nî Ngai wa ûmwe? Nîndûî vi kîgiragia twîthîrwa tûrî evokeku mûndû na ûrîa wîngî, na tûgatûma kîrîkanîro Kîam Ngai na methe metû kîgîa na kîrumi.

Ndari 2:18

“Andû a Efiraimu makaamba magema mwena wa îthûîro vakuvî na vendera yao. Mûtongoria wao akeethîrwa arî Elishama, mûvîcî wa Amihudi.

Mathaayo 3:3

Johana aarî mûndû ûrîa Mûrathi Isaia aaragia ûvoro wake rîrîa aaugire atîrî, “Kûrî na mûndû ûranîrîra arî werûrî akiugaga: ‘Thondekani njîra ya Mwathani, na mûrûngarie tûcîra twake!’ ”

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Luka 6:21

Kûrathimwa nîmue arîa avûtu rîu, nîûndû nîmûkaavaithua! Kûrathimwa nîmue arîa mûrarîra rîu, nîûndû nîmûkaatheka!

Aroma 8:26

Na njîra ta îno, Roho nîatûtethagia nîûndû tûtirî na vinya. Nîûndû tûtiîcî ûrîa twagîrîrwe nî kûvoya. Nwatî Roho nîke ûtûthaithanagîrîra kûrî Ngai arî na mûcao ûtangîgweteka.

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

Gûco 32:6

Ûguo nîguo mwagîrîrwe nî gwîka Ngai-Mûnene, mue irimû ino na mûtarî na ûûgî? Kinthî tîke aguo ûrîa wamûmbire, ûrîa wamûmbire na akîmûtua rûrîrî?

Ahib 12:13

Thiîrîrani njîrarî nûngarû nîguo kûgûrû kûrîa kwonju gûtikagonyoke, vandû va ûguo kûvonue.

Ahib 12:23

Nîmûkîte kîgomanorî Kîam andû arîa akenu, na nîo marikithathi ma Ngai. Marîîtwa mao nîmandîkîtwe kûu îgûrû. Nîmûkîte kûrî Ngai ûrîa ûtucagîra andû onthe, na kûrî maroho ma andû arîa athingu arîa maatwirwe akinyanîru.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”