Jeremia 31:5 - ÎVUKU RÎA ÛVORO MWARO

⁵ Nîmûkavanda mîthavibu rîngî îgûrû rîa irîma cia Samaria. Arîmi makavanda mbegû na nîmagaakenera matunda mayo.

Jeremia 31:5 ပူးပေါင်းရင်းမြစ်များ

Thaburi 107:37

Nîmaarîmire mîgûnda makîvanda mîthavibu, na nîmagîcaga maketha meengî.

Jeremia 32:15

Nîûndû Ngai-Mûnene, mwene vinya wonthe na Ngai wa Isiraeli augîte atî andû nîmakaagûra rîngî nyomba, ithaka na mîgûnda ya mîthavibu vûrûrirî ûyû.”

Ezek 28:26

Nîmagaatûûra kuo marî agitîre. Nîmagaatuma nyomba kuo na mavande mîtî ya mîthavibu. Magaatûûra marî agitîre nîûndû nîngaaverithia mavûrûri marîa mariganîtie nao marîa maamavinyagîrîria. Na nîmakaamenya atî nie nînie Ngai-Mûnene Ngai wao.”

Ezek 36:8

Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Amosi 9:14

Nîngacokia andû akwa vûrûrirî wao, nîmagaatuma rîngî matûûra marîa moomorirwe na matûûre kuo, nîmakaavanda mîthavibu na manyue ndivei ya yo, nîmakavanda irio mûgûndarî na marîe maketha ma yo.

Obadia 1:19

Andû arîa matûûraga mwena wa Negebu nîmakegwatîra vûrûri wa Edomu, nao arîa matûûraga Shefela megwatîre vûrûri wa Afilisiti. Andû a Isiraeli nîmakegwatîra vûrûri wa Efiraimu na megwatîre vûrûri wa Samaria; na andû a Benjamini nîmakegwatîra vûrûri wa Gileadi.

Mika 1:6

Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Zakaria 3:10

Mûthenya ûcio wakinya, wa mûndû wa mûndû nîagetaga mûndû ûrîa mariganîtie nake athiî magekare rungu rwa mîthavibu na rungu rwa mîkûyû makenere thayû na ûgacîru wa vûrûri. Ûgo nîguo Ngai-Mûnene mwene vinya wonthe arauga.”

Gûco 20:6

Kûrî mûndû gatagatîrî kenyu mûvandu mîthavibu mûgûndarî wake na tî mûrîu maciaro ma mûgûnda wake? Mûndû ûcio nîacoke mûciî nîûndû nwa akuîre mbaararî na atige mîthavibu yake îrîcagwe nî mûndû wîngî.

Gûco 28:30

“Mûndû akaarîkanagîra na mwîrîtu atî nîakûmûvikia, nake mûndûmûrûme wîngî akamenyana nake kîîmwîrî. Mûndû agaatumaga nyomba na ndagaatûûra kuo. Mûndû akaavandaga mîthavibu, nwatî ndakaarîa thavibu ciayo.

1Sam 21:5

Nake Daudi nîwacokerie mûthînjîri-Ngai atîrî, “Nî ma, andû akwa metheragia vîndî cionthe wana rîrîa tûkûthiî rûgendo wa ruonthe. Na kinthî twa methîrwe metheretie makîria rûgendorî rûrû rwa mwanya?”