Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 30:7 - ÎVUKU RÎA ÛVORO MWARO

7 Nama mûthenya ûcio nî mûnene, gûtirî mûthenya wîngî ta guo, nî mûthenya wa kîeva kûrî andû a Jakovu; kûnarî ûguo nîmakavonokua kuuma thînarî ûcio.”

အခန်းကိုကြည့်ပါ။ ကော်ပီ




Jeremia 30:7
37 ပူးပေါင်းရင်းမြစ်များ  

Jakovu nîwegwire guoya na agîtangîka mûno. Nîwagaanirie andû arîa aarî nao, mbûri na ng'ondu, ng'ombe na ngamîîra, maita maîrî.


We Ngai, vonokia andû aku a Isiraeli, mavonokie kuuma mathînarî mao monthe!


Andû arîa athingu matî mathîna meengî mûno, nwatî Ngai-Mûnene nîamavonokagia kuuma kûrî mo monthe.


Nao andû arîa matûûraga rûtererî rwa îria, mûthenya ûcio nîmakaauga atîrî, ‘Taroriani ûrîa gwekîkire kûrî andû arîa tûrevokete atî nîmagûtûgitîra kûrî mûthamaki wa Asîria! Rîu tue-î, nîtûkûvonoka?’ ”


We nîwe mwîvoko wa Isiraeli, nîwe ûmavonokagia rîrîa marî thînarî, nîndûî gîtûmîte wîkare ta mûgeni vûrûrirî wetû, ta mûvîtûki ûrîa ûraragîrîra ûtukû ûmwe?


Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”


Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.


“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.


“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.


Nîngîkûvoreria atîa? Nîngîkûgerekania na ndûî we mwarî wa Jerusalemu? Nîngîkûvanania na ndûî nîguo mvote gûkûvooreria? We Zayuni ûrî mûnyaka mûno, mîthiro yaku ndîrî mûthiia nîta îria rîrîa rînene. Nû ûngîvota gûkûvonokia?


Andû akwa maverithîtue, gûkîra andû a Sodomu, arîa maathirirue wa rîmwe, na mationa mûndû wa kûmatethia.


“Mavinda mau, Mikaeli, mûraika mûnene ûrîa ûgitagîra andû aku nî akaaumîra. Nî gûkethîrwa na mavinda ma thîna nyîngî îtanonekana kuuma rîrîa kwagîîre na vûrûri wa Isiraeli. Rîrîa kavinda kau gagaakinya mûndû wa wonthe, ûrîa rîîtwa rîake rîkethîrwa rîrî îvukuurî rîa mwoyo nîakaavonokua.


Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.


Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.


Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.


Thikîrîriani mue andû akûrû; thikîrîriani mue muonthe mûtûûraga nthî! Nîkûrî ûndû ta ûyû wanoneka mûtûûrîrerî wenyu, kana vîndî ya njiarwa cienyu?


Ngai-Mûnene nîathaga athigari ake, athigari ake nî engî mûno, arîa mamwathîkagîra nî eengî mûno. Mûthenya wa Ngai-Mûnene nî mûnene na nîwakûmakania, nîûrîkû ûngîvota kûwîtirîria?


Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.


Rîu mûrarîra mugîrîrîtie nîkî? Nîkwa mûtarî na mûthamaki? Nîkwa ûrîa ûgûtaaraga arî mûkuû? Mûrathînîka ta mûndûmûka arî na ûrûrû wa kûgîa na mwana!


Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.


Gûkethagîrwa vîndî cionthe kûrî na ûtheri ta wa mûthenya (vîndî îo nî Ngai-Mûnene wenga wicî). Gûtikethîrwa na ûtukû kana mûthenya, nîûndû wana ûtukû gûkethagîrwa na ûtheri.


Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.


Nîûndû vîndî îo andû nîmakoona mathîna matanoneka kuuma rîrîa Ngai aambîrîrie kûmba nthî. Na gûtirî vîndî andû makaathînîka ta ûguo rîngî.


Riûa nîrîkaagarûrûka rîtuîke nduma, naguo mweri nîûkaagarûrûka ûtunîve ta nthakame, mbere ya Mûthenya wa Mwathani ûkinye, mûthenya ûcio ûkethîrwa ûrî mûnene na ûrî na riiri.


Ûguo nîguo Aisiraeli onthe makaavonokua. Wata ûrîa mandîko matheru maugîte atîrî, “Mûvonokia nîagaaûka kuuma Zayuni, na nîakaathengutia waganu wonthe kuuma rûciarorî rwa Jakovu.


Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ