Jeremia 30:5 - ÎVUKU RÎA ÛVORO MWARO

⁵ “Nie Ngai-Mûnene mbugîte atî: Nîkwîguîtwe kîrîro gîa kûmakania, na mûgambo wa gwîkanîra guoya na tî thayû.

Jeremia 30:5 ပူးပေါင်းရင်းမြစ်များ

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 59:11

Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 25:36

Tathikîrîriani kîrîro Kîam arîthi na gûkaîrîria gwa atongoria a ng'ondu! Nîûndû Ngai-Mûnene nîaracûkangia kûndû kwao gwa kûrîthia,

Jeremia 30:4

Ino nîcio ciugo irîa Ngai-Mûnene aririe ciîgiî Isiraeli na Juda:

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 6:22

Ngai-Mûnene arauga atîrî, “Taroria, andû nîmaûkîte kuuma mwena wa rûgûrû, vûrûri mûnene ûrîa ûrî kûraca mûno gûkû nthî nî ûrevarîria mbaara.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Jeremia 8:16

Nîtûregua mbarathi ciao ikîgamba irî Dani, mûgambo wa mbarathi ciao cia njamba, ûratûma vûrûri wonthe ûthingitha. Nthû ciûkîte gûcûkangia vûrûri wetû na indo cionthe irîa irî kuo, gûcûkangia îtûûra na andû arîa matûûraga kuo.”

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Jeremia 9:19

Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Habakuku 1:10

Nîmanyararaga athamaki, na makathekerera atongoria. Nîmathekagîrîra kûrîa kuonthe kûgitîre, na makamikîrîra nthingo icio na mûthetu na makainyita.

Habakuku 1:6

Nîûndû nînîraringîrîra Akalidei, andû acio aganu ûguo na matarî ntha. Vûrûri ûcio ûvîtûkîrîrîte nthî yonthe, nîguo woce vûrûri ûtarî wao.