Jeremia 30:20 - ÎVUKU RÎA ÛVORO MWARO

²⁰ Ciana ciao igekara wata ûrîa ciekaraga tene, na matuîke rûrîrî rwa kûngooca, na nîngaverithia arîa onthe mamavinyagîrîria.

Jeremia 30:20 ပူးပေါင်းရင်းမြစ်များ

Thaburi 102:18

Ûndû ûyû nîwandîkwe nîûndû wa njiarwa irîa igaaûka, nîguo andû arîa matarî aciare magaakumia Ngai-Mûnene.

Thaburi 102:28

Ciana cia ndungata ciaku igaatûûraga irî ngitîre, nacio njiarwa ciao igaatûûra ciîkindîrîtie varî we.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 51:22

Mwathani Ngai-Mûnene Ngai waku, ûrîa ûtetagîra andû ake arauga atîrî: “Taroria nîngûthengutîrîtie gîkombe Kîam gûgûtûgûgithia, ngakûthengutîria mbakûri ya marakara makwa, ndûgaacoka kûmînyuîra rîngî.

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Jeremia 2:3

“Isiraeli, nie nînakwamûrîte, warî maciaro ma mbere ma maketha makwa, arîa onthe maagwîkire naaî nînamaverithirie, ngîtûma magwatwe nî maûndû macûku, ûguo nîguo nie Ngai-Mûnene nîrauga.”

Jeremia 30:16

Kûnarî ûguo arîa onthe mamûcûkangagia nîmagaacûkangua, nacio nthû cienyu cionthe nîigaatavwa ivirwe îthamîriorî; arîa onthe mamûtavaga wanao nîmagaatavwa, na arîa onthe mamûvinyagîrîria wanao nîmakavinyîrîrua.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Maca 5:21

Tûcokie kûrî we Ngai-Mûnene, natue nîtûgûcoka, tûcokerie riiri ûrîa twarî naguo mbere.

Zakaria 10:6

Nîngaatûma nyomba ya Juda îgîe vinya, na nîngaavonokia nyomba ya Josefu. Nîngaamacokia kwao nîûndû nînîmegucagîra ntha, na nîmagekara ta andû ndanatiganîria, nîûndû nî nie Ngai-Mûnene, Ngai wao, na nîngegua mavoya mao.

Zakaria 10:8

Nîngaameta na nîmagaacokanîrîra vamwe, nîûndû nînîmakûrîte, na nîmakoongerereka na mengîve ta ûrîa meekariî mbererî.

Zakaria 8:5

Nacio njîrarî cia îtûûra rîu nîgûgecûra anake na erîtu makîthaka kuo.