Jeremia 30:18 - ÎVUKU RÎA ÛVORO MWARO

¹⁸ Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 30:18 ပူးပေါင်းရင်းမြစ်များ

1Maû 29:1

Mûthamaki Daudi nîwacokire akîra andû onthe arîa maagomanîte atîrî, “Mûvîcîwa Solomoni ûrîa Ngai athuurîte, nî mûndû mwîthî na ndarî na kîrîra kîîngî na wîra nî mûnene nîûndû nyomba îno tî ya mûndû, nwatî nî hekarû ya Ngai-Mûnene, Ngai.

1Maû 29:19

Îkîra ngororî ya mûvîcîwa Solomoni wendi wa gûtûûra avingagia maathani maku, kîrîra na watho waku nîguo avote gûtuma nyomba îrîa mvarîrîtie.”

Nehemia 7:4

Îtûûra înene rîa Jerusalemu rîarî rîariî na rînene, nwatî gûtiarî na andû eengî maatûûraga kuo, na gûtiarî gûtume nyomba nyîngî vîndî îo.

Thaburi 102:13

Nîûkaarûngama na wîguîre îtûûra rîa Zayuni ntha, kavinda nî gakinyu ga kûrîguîra ntha, kavinda karîa kagîrîru nî gakinyu.

Thaburi 102:14

Ndungata ciaku nîciendete îtûûra rîu, wana ethîrwa nî rîomomoku, nîirarîguîra ntha wana ethîrwa nîrîcûkangu viû.

Thaburi 122:7

Thayû ûrogîa kûrî andû a Jerusalemu, nyombarî cienyu cia athamaki kûgîe na ûgitîri.”

Thaburi 48:13

taîcirieni ûvoro wa nthingo na mûrorie cia kwîgitîra, nîguo mûkeera njiarwa irîa igaaûka atîrî,

Thaburi 48:3

Ngai nîwonanîtie atî nîke ûgitanagîra, îtûûrarî rîrîa ririgîre na nthingo cia vinya.

Thaburi 78:69

Nîwatumire hekarû yake kûu kîrîmarî îkariî ta mûciî wake wa îgûrû, nîwatûmire îrûme ta nthî îrîa îtûûraga tene na tene.

Thaburi 85:1

We Ngai-Mûnene, nîwîguîrîrîte vûrûri waku ntha; nîûtûmîte Jakovu athatûkwa rîngî.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:23

Ngai-Mûnene mwene vinya wonthe Ngai wa Isiraeli arauga atîrî, “Rîrîa ngaacokia andû a Isiraeli vûrûrirî wao, marî vûrûrirî wa Juda na matûûrarî maguo, nîmakaauga atî: ‘Ngai-Mûnene akûrathime we kîrîma kîthingu Kîam Jerusalemu, akûrathime we kîrîma kîtheru!’

Jeremia 31:38

Ngai-Mûnene arauga atîrî, “Îvinda nîrûgûkinya rîrîa îtûûra rîonthe rîakwa rîa Jerusalemu rîgatumwa rîngî, kuuma nyombarî îrîa ndaca na îgûrû ya Hananeli nginya mwena wa îrathîro wa mwîrîga wa kona.

Jeremia 31:4

Nîngamûvanda rîngî, na nîmûgekindîria mue andû akwa a Isiraeli! Nîmûgooca rîngî indo cienyu cia kwina mwîinie na gîkeno mûcanjamûkîte.

Jeremia 31:40

Nakîo Kîamnda kîonthe kûrîa ciimba ithikagwa na gûtecagwa mûu na mûgûnda wonthe kuuma karûnjîrî ga Kidironi nginya mûthiiarî wa kîvingo Kîam mbarathi kîrîa kîrî mwena wa îrathîro nîgûkaamûrîrwa Ngai-Mûnene. Îtûûra rîu rîtigacoka kwanangwa kana kwomomorwa rîngî tene na tene.”

Jeremia 32:15

Nîûndû Ngai-Mûnene, mwene vinya wonthe na Ngai wa Isiraeli augîte atî andû nîmakaagûra rîngî nyomba, ithaka na mîgûnda ya mîthavibu vûrûrirî ûyû.”

Jeremia 32:44

Andû nîmakaagûra mîgûnda îo na mbeca na mekîre irore maarûarî cia mîgûnda, na ivingwe na kûgîe na aira vûrûrirî wa Benjamini, vakuvî na Jerusalemu, vakuvî na îtûûra rîa Juda, matûûrarî marîa marî vûrûrirî ûrîa ûrî irîma, na matûûrarî ma Shefela na matûûra marîa marî werûrî wa Negebu. Nîûndû nîngamacokia rîngî vûrûrirî wao. Nie Ngai-Mûnene nînie nauga ûguo.”

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Jeremia 33:7

Nîngatûma andû a Juda na Isiraeli mekindîrie wata ûrîa mekariî mbere.

Jeremia 46:27

“Nwatî we Jakovu ndungata yakwa ndûgetigîre, mue andû a Isiraeli mûtikamake; nîûndû nîngakûvonokia nîrî kûraca, nîngavonokia njiarwa ciaku kuuma vûrûri ûrîa maathamîrue. Jakovu nîagaacoka mûciî avurûke na agîe na thayû, na gûtirî mûndû wanarî ûmwe ûkaamwîguithia guoya.

Jeremia 49:39

Nwatî mavindarî ma mûthiia, nîngaatûma îtûûra rîa Elamu rîgacîre rîngî. Ûguo nîguo nie Ngai-Mûnene nîrauga.”

Jeremia 49:6

Vuva wa ûguo nîngatûma andû a Aamoni magacîre. Nie Ngai-Mûnene nînie nauga ûguo.”

Ezek 36:11

Nîngaatûma andû mengîve wana nyamû irîa mûrîthagia ciîngîve. Nîikoongerereka na iciarane mûno na ndûme irîma itûûrwe ta ûrîa ciatûûragwa mbererî. Nîngaamwîka maûndû maro gûkîra marîa monthe naamwîkîte mbere na nîmûkaamenya atî, nie nînie Ngai-Mûnene.

Amosi 9:14

Nîngacokia andû akwa vûrûrirî wao, nîmagaatuma rîngî matûûra marîa moomorirwe na matûûre kuo, nîmakaavanda mîthavibu na manyue ndivei ya yo, nîmakavanda irio mûgûndarî na marîe maketha ma yo.

Zakaria 1:12

Nake mûraika ûcio wa Ngai-Mûnene nîwaûririe atîrî, “We Ngai-Mûnene mwene vinya wonthe wîthîrîtwe ûrakarîrîte Jerusalemu na matûûra ma Juda mîaka mîrongo mûgwanja. Nîwîkara îvinda rîgana atîa ûtakûmeguîra ntha?”

Zakaria 1:16

Kwoguo, nînjokete îtûûrarî rînene rîa Jerusalemu nîguo nîrîguîre ntha. Hekarû yakwa nîgaatumwa îtûûrarî rîu rîa Jerusalemu na rîcoke rîtumwe rîngî.”

Zakaria 12:6

“Vîndî îo nîngaatûma mbarî cia Juda ituîke ta mwaki ûgwakana mûtitûrî, kana ta mwaki ûgwakana mûgûndarî wa ngano îrî nyûmû. Nîikaavîvia ndûrîrî cionthe irîa iithiûrûrûkîrîtie na mwena wa ûrîo na wa ûmotho. Nwatî andû arîa matûûraga Jerusalemu magaatûûra kûu îtûûrarî na thayû.

Zakaria 12:7

“Nake Ngai-Mûnene nîakaavonokia mbere andû arîa matûûraga Juda, nîguo nyomba ya Daudi na andû arîa matûûraga Jerusalemu matikone takwa marî aro gûkîra andû a Juda.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.