Jeremia 30:14 - ÎVUKU RÎA ÛVORO MWARO

¹⁴ Anyanya aku onthe nîmariganîrîtwe nîmue; matitindanagîrîra namue. Nîmûtharîkîrîte ta ûrîa mûndû atharîkagîra nthû, nîmûverithîtie ndakûmwîguîra ntha. Nîûndû mavîtia menyu nî manene, na mevia menyu nî meengî.

Jeremia 30:14 ပူးပေါင်းရင်းမြစ်များ

Ayubu 16:9

Anducangîte icunjî icunjî nî kûrakara na akanthûûra, nthû yakwa îngûûrîrîte metho nî marakara.

Ayubu 19:11

Etûrûrîte marakara make na kûrî nie, na akandua nthû yake.

Ayubu 30:21

Nîûmbaganîrîte mûno, ûnyarirîte na vinya waku wonthe.

Thaburi 107:17

Andû amwe maarî irimû nîûndû wa mevia mao, na makathînîka nîûndû wa maûndû mao macûku;

Isaia 57:13

Vîndî îrîa mûgaakaya mûgîtia ûtethio, mîvuanano îo yenyu nîîkamûvonokia! Rûkûngi nîrûkaamîvuruta îthiî kûndû kûraca. Nwatî arîa manîîvokete nîo makegwatîra vûrûri ûtuîke wao, na magae Kîrîma gîakwa kîrîa Kîammûre.”

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 2:36

Wocaga ûvoro wa kûgarûrûka na ûvûthû nîkî ûkagarûrîra mîthiîre yaku? We nîûgûconorithua nî andû a Misiri, wata ûrîa waconorithirue nî andû a Sîria.

Jeremia 22:20

Mue andû a Jerusalemu thiîni kîrîmarî Kîam Lebanoni mûkarîre, ugîrîriani mûrî Bashani, rîrani mûrî kîrîmarî Kîam Abarimu, nîûndû anyanya enyu onthe nîaûrage.

Jeremia 22:22

Atongoria enyu makagûrûkua nî rûkûngi, anyanya enyu nîmakavirwa îthamîriorî. Nîmûgaaconoka na mûrurûkwe, nîûndû wa waganu wenyu wonthe.

Jeremia 30:15

Mûrarîra nîûndû wa ngurara cienyu nîkî? Ruuo rwenyu rûtingîthira. Nîmwîkîte maûndû mama monthe, nîûndû mavîtia menyu nî manene, mevia menyu nî meengî mûno.

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 32:30

Gûtirî ûndû andû a Juda na a Isiraeli maneka kuuma marî ethî, tiga wa maûndû macûku. Ciana cia Isiraeli nîindakarîtie na maûndû marîa mekaga. Ûguo nîguo Ngai-Mûnene arauga.

Jeremia 32:34

Nîmaaigire ngai cia mîvuanano hekarûrî îrîa ngoocagîrwa na makîmîgwatia mûgiro.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Jeremia 38:22

Kîonekirî kîu, nînonire aka arîa maatigirwe mûciî kwa mûthamaki wa Juda makîvirwa kûrî anene a mûthamaki wa Babuloni. Nao maathiîte makiugaga atî, ‘Arata aku arîa wetîkîtie mûno nîmakûveenetie na nîmakûvootete, nîûndû magûrû maku nîmavorokeru ndakarî, nîmareganîte nawe magagûtiganîria.’

Jeremia 4:30

We Jerusalemu kaî wî na thîna-î! Wîkagîra nguo îno ndune nîkî? Wîgemagia ûthiû na ûgekîra mathaga ma thaabu nîkî? Kwîgemia gwaku nîkwa mana. Arîa makwendete nîmarakûnyarara, na magacaria ûrîa mangîkûûraga.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 5:5

Nîngûthiî kûrî anene na mbarie nao, nîûndû nîmaicî ûrîa Ngai-Mûnene endaga, nîmaicî watho wa Ngai wao.” Nwatî onthe nîmareganîte na Ngai-Mûnene; na makarega kûmwathîkîra.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 6:23

Manyitîte moota na matumû, nî aganu mûno na matirî ntha, mûgambo wao nîta mûrurumo wa îria. Mathiîcaga mekarîrîte mbarathi, mevangîte na mevarîrîtie kûrûa nawe, we îtûûra rîa Zayuni.”

Maca 1:19

“Netire arata akwa nwatî makîrega kûndethia, athînjîri-Ngai akwa na atongoria maakuîrîre îtûûrarî, magîcaria irio nîguo matûûre mwoyo.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Ezek 23:22

“Kwoguo we Oholiba Ngai-Mûnene arauga atîrî, “Rîu nîngûtûma anyanya aku arîa watiganîrie magûkîrîre. Magaagûkîrîra kuuma na mîena yonthe.

Ezek 23:9

Kwoguo nînaamûnenganîre kûrî anyanya acio ake a Asîria arîa eeriragîria mûno.

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Hosea 5:14

Nie ngethîrwa mbîkariî ta mûnyambû kûrî Efiraimu, ngethîrwa mbîkariî ta kaana ka mûnyambû kûrî Juda. Nie mwene nîngamatarûranga tûnuku ngînathiî, nîngamoca na gûtirî mûndû ûkaamavonokia.

Obadia 1:7

Andû arîa mûgwatanagîra nao nîmamûveenetie, nîmamûvinyûrîtie kuuma vûrûrirî wenyu. Andû arîa mwekaranagia nao mûrî na thayû nîmamûvootete. Arata arîa mwevokete nîmaamwigîre mûtego na mûmûnyitithie; makiugaga atî, ‘Ûrî va ûûgî wonthe ûrîa maarî naguo?’ ”