Jeremia 3:7 - ÎVUKU RÎA ÛVORO MWARO

⁷ Nie neciririe atî, ‘Vuva wa Isiraeli gwîka maûndû mau monthe, nîakûnjokerera;’ nwatî nîwaregire kûnjokerera, na Juda mwarwang'ina ûrîa mûthani nîwonire ûndû ûcio.

Jeremia 3:7 ပူးပေါင်းရင်းမြစ်များ

2Maû 17:4

Nwatî nîwagoocaga Ngai wa îthe na akarûmîrîra maathani make, na ndeeka ta ûrîa athamaki a Isiraeli meekaga.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 33:24

“Nîkwa ûtarî mwîgu ûrîa andû marauga, atî Ngai-Mûnene nîmûreganu na nyomba igîrî irîa aathuurire, na nîcio Isiraeli na Juda. Andû acio nîmanyararîte andû akwa na matimonaga ta vûrûri.

Jeremia 5:11

Nîûndû andû a Isiraeli na andû a Juda, methîrîtwe matarî evokeku kûrî nie wanarî vanini. Ûguo nîguo Ngai-Mûnene arauga.”

Ezek 16:46

“Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Amosi 4:8

Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.