Jeremia 3:25 - ÎVUKU RÎA ÛVORO MWARO

²⁵ Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 3:25 ပူးပေါင်းရင်းမြစ်များ

Thaburi 106:6

Tue nîtwîvîtie wata ûrîa methe metû ma tene meevirie, nîtwîvîtie na nîtwîkîte maûndû macûku.

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Thaburi 109:29

Nthû ciakwa nîikunîkîrwe nî nthoni ta nguo; na mekîre gîconoko ta nguo irîa mekagîra.

Nthi 13:18

Ûthîni na gîconoko inyitaga mûndû ûrîa ûregaga kîrîra. Mûndû ûrîa ûthikagîrîria akîrutwa mavîtia nî atîîagwa.

Nthi 5:13

Ndiathikagîrîria arîa maanthomithagia, kana nthikîrîria kîrîra Kîam arîa maandaaraga.

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Isaia 50:11

Nwatî mue mwakagia mwaki, mue mûkanagîrîra na icinga icio cienyu. Thiîcagîrîrani ûtherirî wa mwaki ûcio, nînîmbîrî cia mwaki ûcio mwakîtie mue ene. Kîrîa mûûkaanyita kuuma kûrî Ngai-Mûnene nî gîkî, mûkaamama nthî mûrî na mathîna meengî.

Jeremia 11:13

Nîûndû mue andû a Juda ngai cienyu ciîngîvîte wata matûûra menyu, nacio metha cia kûrutîra ngai ya Baali magoongona irîa mûtumîte ciîngîvîte ta tûcîra twa Jerusalemu.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 14:20

Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 2:26

Wata ûrîa mwîi aconokaga agwatwa, nwata guo andû a Isiraeli magaconoko; o ene, athamaki ao, anene ao, athînjîri-Ngai na arathi ao.

Jeremia 20:18

Nîndûî gîatûmire njiarwe? Naciarirwe nîguo monage mathîna na kîeva, na njonorithague ûtûûrorî wakwa wonthe?

Jeremia 22:21

Ngai-Mûnene aamwarîrie rîrîa mweganîrîte, nwatî mue mûkiuga atîrî: “Tîtûthikîrîria.” Mûtwîre mwîkaga ûguo kuuma mûrî ethî, mûtirî mwathîkîra mûgambo wakwa.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 31:19

Nîûndû vuva wa kûregana nawe nînaverire, na vuva wa gûtaarwa nîneririre, nînegwire nthoni na ngîconoka, nîûndû naconokaga nî maûndû ma wîthî wakwa.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Jeremia 7:19

Nama, nînie mararakaria? Naarî, nî o ene marerakaria na makeretera gîconoko.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Jeremia 9:18

Meereni maûke na îvenya nîguo matuinîre rwîmbo rwa macakaya, nîguo metho metû marîre methori, na njuîrî cia metho metû iconjwe nî methori ta manjî.”

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Maca 5:7

Methe metû mevirie na rîu matirî vo, na rîu tûraverithua nîûndû wa mevia mao.

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 36:32

We nyomba ya Isiraeli nîrenda ûmenye atî ndireka maûndû mama îthenya rîaku, nwatî nîreka ûguo nîguo ûgîe na gîconoko na gîcambî nîûndû wa mîthiîre yaku. Ûguo nîguo Mwathani Ngai-Mûnene augîte.”

Ezek 44:13

Matigaûke vakuvî nanie gûtungata ta athînjîri-Ngai, kana mathiî vakuvî na indo ciakwa irîa nyamûre kana matonya vandû varîa vatheru Mûno. Nwatî nîmagaaconoka nîûndû wa maûndû marîa marî magigi mekîte.

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Hosea 9:10

Ngai-Mûnene arauga atîrî: “Rîrîa nacemanirie na andû a Isiraeli, mekariî ta mûthavibu ûrî werûrî. Rîrîa nonire atongoria enyu, mekariî ta matunda ma mbere ma mûkûyû. Nwatî wa rîmwe maakinya kûu Baali-peori, nîmeyamûrire na makîambîrîria kûgooca Baali, maagîre na mûgiro wata kîndû kîu mendete.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?