Jeremia 3:14 - ÎVUKU RÎA ÛVORO MWARO

¹⁴ Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 3:14 ပူးပေါင်းရင်းမြစ်များ

2Maû 30:6

Kwoguo anjaama nîmaathiîre Isiraeli na Juda kuonthe marî na maarûa kuuma kûrî mûthamaki na anene ake. Maarûa icio ciandîkîtwe atîrî, “Mue andû a Isiraeli ûkani kûrî Ngai-Mûnene, Ngai wa Iburahimu, Isaka na Jakovu. Nake Ngai nîagûka kûrî mue, arîa mwatigarire vîndî îrîa mwatharîkîrwe nî athamaki a Asîria.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 10:22

Wana ethîrwa andû aku Aisiraeli nî eengî ta mûthanga ûrîa ûrî rûtererî rwa îria, nî andû anini tu magaacoka. Nîkûvangîtwe andû macûkangue, na gûcûkangua kûu gûgekîka na kîvooto.

Isaia 17:6

Gûgaatigara andû anini, ta mûtamaiyû ûrî mûkethe, ûgatigara na ndamaiyû igîrî kana ithatû rûvûarî rwa îgûrû, kana mûtî wa matunda ûkethetwe, ûgatigara matunda mana kana matano mvûarî cia guo. Nie Ngai-Mûnene, Ngai wa Isiraeli, nînie nauga ûguo.”

Isaia 27:12

Mûthenya ûcio Ngai-Mûnene nîakaaûngania maketha make kuuma rûnjîrî rwa Farati nginya karûnjîrî ka Misiri, namue andû a Isiraeli nîmûkaaûnganua ûmwe kwa ûmwe.

Isaia 31:6

Mue andû a Isiraeli, garûrûkîrani ûcio mwaregire na vinya.

Isaia 44:22

Nîmvatîte mavîtia maku ta îtu, na mevia maku ta nundu; njokererani nîûndû nîmûkûûrîte.”

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 57:17

“Narakarire nîo nîûndû wa mevia mao na ûkoroku wao, nînamaverithirie, ngîmatiganîria na ngîtûmbwa nî marakara. Nwatî nîmaûmirie kîongo na makîthiî na mbere kûrûmîrîra njîra ciao o ene.

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:12

Thiî wanîrîre ndûmîrîri îno kûrî andû a rûgûrû, na ûmeere atî: Njokererani mue andû a Isiraeli mûtarî evokeku; ûguo nîguo Ngai-Mûnene arauga. Nie tînîmûroria nîrî na marakara, nîûndû nîrî ntha; tîndûûra ndakarîte nîwe. Ûguo nîguo Ngai-Mûnene arauga.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 31:6

Nîûndû mavinda nîmagaakinya rîrîa arangîri magetana marî vûrûrirî ûrîa ûrî irîma wa Efiraimu; mauge atî, ‘Ûkîrani tunûkie Zayuni kûrî Ngai-Mûnene Ngai wetû.’ ”

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,