Jeremia 28:16 - ÎVUKU RÎA ÛVORO MWARO

¹⁶ Kwoguo Ngai-Mûnene arauga atî nîagûkûthengutia gûkû nthî. Mwaka ûyû ûtanathira nîûgûkua nîûndû nîwîrîte andû maregane na Ngai-Mûnene.”

Jeremia 28:16 ပူးပေါင်းရင်းမြစ်များ

Kîam 7:4

Mîthenya mûgwanja kuuma rîu nîngurithia mbura gûkû nthî matukû mîrongo îna mûthenya na ûtukû. Ngeeka ûguo nîguo nthirie ciûmbe cionthe irîa naûmbire irî mwoyo.”

1Atha 13:34

Ûndû ûyû nîwatuîkire wîvia kûrî nyomba ya Jeroboamu na nîwatûmire nyomba îo îcûkangue na îthirue viû.

Ntha 32:12

Ndûkareke andû a Misiri mauga atî warutire andû a Isiraeli kuuma Misiri nîguo ûke ûmaûragîre gûkû irîmarî na ûmathirie viû. Tiga kûrakara, na ûgarûre meciria maku na ndûkarete mûthiro kûrî andû aku.

Jeremia 20:6

Nawe Pashuri, na andû onthe arîa matûûraga nyomba gwaku, nîmûgaatavwa mûvirwe Babuloni mûrî ngombo. Kûu nîkuo we na arata aku onthe arîa wavecaga ûrathi wa maveeni mûgakuîra na mûthikwe.’ ”

Jeremia 28:17

Mwaka wa ûcio, mweri wa mûgwanja mûrathi Hanania nîwakwire.

Jeremia 28:3

Îvinda rîa mîaka îrî nîngwîthîrwa njoketie indo cia hekarû gûkû irîa mûthamaki Nebukadinezarû wa Babulonia oocire gûkû akîivira Babuloni.

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Amosi 9:8

Nie Ngai-Mûnene nîndoretie ûthamaki mwîvia wa Isiraeli, nîngaûcûkangia ûthire gûkû nthî, nwatî ndikaathiria nyomba ya Jakovu viû.

Ndari 14:37

Ngai-Mûnene nîwatûmire andû acio maaretire ndeto itarî cia ma ciîgiî vûrûri ûcio, maûragwe nî mûthiro.

Ndari 29:32

“Mûthenya wa mûgwanja, mûkaarutaga ndegwa mûgwanja itarî ngûrû, ndûrûme igîrî, na tûtûrûme îkûmi na tûna, na cionthe ciîthagîrwe itarî na wonje.

Gûco 6:15

Mweka ûguo, Ngai-Mûnene, Ngai wenyu ûrîa ûtûûraga gatagatîrî kenyu nîakaarakara na amûthirie viû gûkû nthî nîûndû ke nî Ngai wî wîru.