Jeremia 28:1 - ÎVUKU RÎA ÛVORO MWARO

¹ Mwaka wa ûcio, mweri wa gatano mwaka wa kana Zedekia arî mûthamaki wa Juda, Hanania mûvîcî wa Azuri, mûrathi kuuma îtûûra rîa Gibeoni, nîwaririe nanie nîrî hekarûrî, na mbere ya athînjîri-Ngai na andû onthe na akiuga atîrî,

Jeremia 28:1 ပူးပေါင်းရင်းမြစ်များ

1Atha 3:4

Vîndî îmwe mûthamaki nîwathiîre Gibeoni kûrutîra magongoona kuo, nîûndû kûu nîkuo kwarî na îgweta mûno kwa magongoona. Mbererî, Solomoni nîwarutîrîte matega ma kûvîvua metharî îo ya kîgongoona maita meengî.

2Atha 24:18

Zedekia aarî na ûkûrû wa mîaka mîrongo îîrî na ûmwe (21) rîrîa aatuîkire mûthamaki wa Juda, na nîwathanire arî Jerusalemu îvinda rîa mîaka Îkûmi na ûmwe (11). Ng'ina eetagwa Hamutali, mwarî wa Jeremia, kuuma îtûûrarî rîa Libuna.

2Maû 36:11

Zedekia aatuîkire mûthamaki arî na ûkûrû wa mîaka mîrongo îîrî na ûmwe (21) na aathanire arî Jerusalemu îvinda rîa mîaka îkûmi na ûmwe (11).

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Jeremia 27:1

Kîambîrîriarî Kîam wathani wa Zedekia mûvîcî wa Josia mûthamaki wa Juda, kiugo nîgîakinyîre Jeremia kuuma kûrî Ngai-Mûnene.

Jeremia 27:12

Nie Jeremia, nînerîte Zedekia mûthamaki wa Juda maûndû wata mau namwîrîte atîrî, “Athîkagîra mûthamaki wa Babuloni, ûmûtungatîre vamwe na andû ake na nîûgûtûûra mwoyo.

Jeremia 27:3

Ûcoke ûtûme ndûmîrîri kûrî mûthamaki wa Edomu, Moabu, Amoni, Turo, Sidoni na njîra ya aarîrîria a thirikari arîa maûkîte Jerusalemu kûrî Zedekia mûthamaki wa Juda.

Jeremia 28:11

Hanania nîwaririe arî mbere ya andû onthe na akiuga atî, Ngai-Mûnene arauga atîrî, “Ûguo nîguo ngaunanga îcoki rîrîa Nebukadinezarû mûthamaki wa Babuloni aigîrîrîte mavûrûri monthe. Ngeka ûguo îvindarî rîa mîaka îîrî îgûka.” Vuva wa ûguo mûrathi Jeremia nîwacokire akînethiîra.

Jeremia 28:17

Mwaka wa ûcio, mweri wa mûgwanja mûrathi Hanania nîwakwire.

Jeremia 28:5

Nake mûrathi Jeremia nîwacokire akîarîria mûrathi Hanania mbere ya athînjîri-Ngai na andû onthe arîa maarûngamîte hekarûrî;

Jeremia 29:15

“Mue mûrauga atî, Ngai-Mûnene nîamûveu arathi vûrûrirî wa Babuloni.

Jeremia 36:12

nîwathiîre nyombarî ya mûthamaki agîtonya oficirî ya mwandîki kûrîa atongoria onthe mekarîte. Andû acio maarî: Elishama mwandîki, Delaia mûvîcî wa Shemaia, Elinathani mûvîcî wa Akibori, Gemaria mûvîcî wa Shafani, Zedekia mûvîcî wa Hanania, na atongoria onthe.

Jeremia 37:13

Na rîrîa akinyire mwîrîgarî wa Benjamini mûrangîri ûmwe wetagwa Irija mûvîcî wa Shelemia, Shelemia mûvîcî wa Hanania, nîwanyitire mûrathi Jeremia na makîmwîra atîrî, “We ûrenda kûûra ûthiî gwa Akalidei!”

Jeremia 37:19

Marî kû arathi arîa maarathire magîkwîra atî, ‘Mûthamaki wa Babulonia ndagaakûtharîkîra kana atharîkîre vûrûri ûyû?’

Jeremia 49:34

Îno nîyo ndûmîrîri îrîa yakinyîre Mûrathi Jeremia yumîte kûrî Ngai-Mûnene mwene vinya wonthe îgiî îtûûra rîa Elamu, rîrîa mûthamaki Zedekia ambîrîrie kwathana vûrûrirî wa Juda.

Jeremia 51:59

Mwaka wa kana wa wathani wake, Zedekia mûthamaki wa Juda nîwathiîre Babuloni vamwe na mûnene wa athigari ake wîtagwa Seraia mûvîcî wa Neria. Neria aarî mûvîcî wa Mahaseia. Nie Jeremia nînagîre na kanya ga kwîra Seraia ndûmîrîri îno.

Ezek 13:6

Cioneki ciao nî cia mana na maûndû marîa marathaga nî ma maveeni. Maugaga nî maria vandûrî vakwa, nwatî nie ndimatûmîte, na atî nîmerîgagîrîra nîmavingîrie maûndû mau.

Hosea 7:3

Nîmakenagia mûthamaki na waganu wao, na magakenia atongoria na maveeni mao.

Josh 10:12

Mûthenya ûcio Ngai-Mûnene aavotithirie andû a Isiraeli kûvoota andû a Amori, Joshua nîwaririe na Ngai-Mûnene. Joshua arî mbere ya andû a Isiraeli nîwaugire atîrî, “Riûa, rûngama ki îgûrû rîa Gibeoni; nawe mweri rûngama ki Kîamndarî Kîam Aijaloni.”

Josh 9:3

Andû a Gibeoni nîmeguire ûrîa Joshua eekîte matûûra ma Jeriko na Ai