Jeremia 27:7 - ÎVUKU RÎA ÛVORO MWARO

⁷ Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 27:7 ပူးပေါင်းရင်းမြစ်များ

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 21:9

Taroria maûkîte matwîte mbarathi, na marî aîrî kwa aîrî. Mûrangîri ûcio nîwacokire akiuga atîrî, “Babuloni nîngwîu! Mîvuanano yonthe ya ngai ciakuo nîmiunange na îkagwîthua nthî.”

Jeremia 27:22

Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 34:1

Mûthamaki Nebukadinezarû wa Babuloni nîwaûkire na athigari ake a mbaara kuuma mavûrûri monthe marîa aathanaga na akîtharîkîra îtûûra rîa Jerusalemu vamwe na matûûra marîa mengî ma Juda. Vîndî îo ndûmîrîri kuuma kûrî Ngai-Mûnene nîyakinyîre Jeremia akîrwa atîrî,

Jeremia 44:30

Nîngaarekereria Hofira mûthamaki wa Misiri kûrî nthû ciake na kûrî arîa mamûcaragia mamûûrage, wata ûrîa naarekererie Hezekia mûthamaki wa Juda kûrî Nebukadinezarû mûthamaki wa Babuloni ûrîa warî nthû yake na wendaga kûmûûraga.”

Jeremia 46:13

Kiugo Kîam Ngai-Mûnene nîgîakinyîre mûrathi Jeremia kîgiî Nebukadinezarû mûthamaki wa Babuloni akîthiî kûtharîkîra vûrûri wa Misiri akîrwa atîrî,

Jeremia 52:31

Mwaka wa mîrongo îthatû na mûgwanja, tarîki mîrongo îîrî na ithano mweri wa îkûmi na îîrî, Jehoiakini arî mûthamaki wa Juda, Evilimerodaki nîwatuîkire mûthamaki wa Babuloni. Mwaka wa ûcio nîweguîrîre Jehoiakini ntha na akîmûrekereria akiuma njera.

Ezek 30:24

Nîngaatûma njara cia mûthamaki wa Babuloni igîe na vinya na nîmûnengere rûviû rwakwa rwa njûra arûnyite na njara yake. Nwatî nîngaauna njara cia mûthamaki wa Misiri na nî agaacaa arî mbere ya mûthamaki wa Babuloni ta mûndû ûgurarîtue nguraro ya gûtûma akua.

Danieli 2:37

We Mûthamaki wa athamaki, Ngai wa îgûrû nîke ûgûtuîte Mûthamaki na agakûva ûvoti, vinya na riiri.

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Habakuku 2:7

Mûthenya ûmwe andû arîa ûrî thirî wao nîmagagûkîrîra wa rîmwe, na arîa makuinainagia nîmagaûkîra. Vîndî îo nîrîo ûgaatuîka ngombo yao.

Habakuku 2:8

We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

Kûguû 14:8

Mûraika wa kaîrî nîwarûmîrîre ûrîa wa mbere. Nake nîwaugîrîrie atîrî, “Babuloni nî îgwîte, îtûûra rîrîa rînene rîa Babuloni nî rîgwîte. Nîyatûmire andû arîa matûûraga gûkû nthî mevia. Maavanire ta maavetwe ndivei manyue îrîa îgaatûma Ngai amaverithia.”

Kûguû 16:19

Narîo îtûûra rîrîa rînene nîrîagaûkanire icunjî ithatû. Namo matûûra marîa mengî manene nthî nîmanangîkire. Nake Ngai nîwaririkanire îtûûra rîrîa înene rîtagwa Babuloni, na agîtûma rînyue ndivei kuuma gîkomberî gîake Kîam marakara.