Jeremia 27:22 - ÎVUKU RÎA ÛVORO MWARO

²² Nîigaakuwa ivirwe Babuloni na ciîkare kuo nginya rîrîa ngeciria ûvoro wacio. Nîngaacoka nîicokie rîngî na nîcige gûkû. Nie Ngai-Mûnene nînie nauga ûguo.”

Jeremia 27:22 ပူးပေါင်းရင်းမြစ်များ

2Atha 25:13

Andû a Babuloni nîmoomomorire itugî cia cuuma ya gîcango irîa ciarî hekarûrî vamwe na inyamû irîa ciekariî ta ikaari na îtangi rîa cuuma ya gîcango, na makîvira cuuma cionthe cia gîcango Babuloni.

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Ezira 1:11

Rîrîa Sheshibazaru na andû amwe arîa maarî îthamîriorî maaumire Babuloni mathiîte Jerusalemu, nîmaakuire indo cia thaavu na cia sîlûva na indo ciîngî. Cionthe ciarî ngiri ithano na magana mana (5,400).

Ezira 7:19

Nacio indo cia gûtûmîrwa ta thaani na mbakûri irîa ûnengeretwe nîûndû wa gûtûmîrwa hekarûrî, nîûkaaivira kûrî Ngai kûu Jerusalemu.

Ezira 7:9

Rûgendo rwao rwa kuuma Babuloni maarwambîrîrîtie mûthenya wa mbere wa mweri wa mbere mwakarî wa mûgwanja Aritakiserikise arî mûthamaki. Nake Ngai aarî vamwe nao.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Jeremia 20:5

Îgûrû rîa ûguo, ûtonga wonthe wa îtûûra, umithio warîo, indo cionthe ciarîo cia goro, vamwe na igîîna cia mûthamaki wa Juda, nîngairekereria itavwe nî nthû ciao na vinya, maivire vûrûrirî wa Babuloni.

Jeremia 27:21

“Tathikîrîriani ûrîa nie Ngai-Mûnene mwene vinya wonthe, Ngai wa Isiraeli nîrauga ûvoro wîgiî indo irîa ciatigirwe hekarûrî, nyombarî ya mûthamaki wa Juda na Jerusalemu.

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 32:5

Zedekia nîakaavirwa Babuloni na nîagaatûûra kûu nginya rîrîa ngatua ûrîa ngeeka nake. Wana arûa na andû a Babuloni, ndakavootana. Ûguo nîguo nie Ngai-Mûnene nauga.’ ”

Jeremia 34:2

“Thiî kûrî Zedekia Mûthamaki wa Juda ûmwîre Ngai-Mûnene Ngai wa Isiraeli arauga atî: Nîrî vakuvî kûnenganîra îtûûra rîîrî kûrî Mûthamaki wa Babuloni, nake nîakaarîvîvia na mwaki.

Jeremia 34:3

We ndûkaavota kûra, nwatî nîûkaanyitwa na ûvirwe kûrî ke; nîûkonana na Mûthamaki wa Babuloni na mwaranîrie nake metho kwa metho, vuva wa ûguo nîûkaathiî Babuloni.

Jeremia 34:5

Ûgaakua na thayû, na wa ta ûrîa ûbani wavîvirue vîndî îrîa methe menyu, athamaki arîa maathanaga mbere yenyu makîthikwa, nwa ta guo andû makavîvia ûbani nîûndû waku na macakae makiugaga atîrî, ‘Ûûi, Mûthamaki wetû nî mûkuû!’ Ûguo nîguo nie Ngai-Mûnene nauga.”

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 9:2

Mwaka wa mbere wa wathani wake, nie Danieli nînathomaga mandîko matheru na ngeciragia mûno ûvoro wîgiî mîaka mîrongo mûgwanja (70) îrîa Jerusalemu îgeekara îrî nyomomore, wata ûrîa Ngai-Mûnene aaguûrîrîtie mûrathi Jeremia.