Jeremia 26:23 - ÎVUKU RÎA ÛVORO MWARO

²³ Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Jeremia 26:23 ပူးပေါင်းရင်းမြစ်များ

2Atha 23:37

Jehoiakimu nîwekire maûndû marîa mataakenagia Ngai-Mûnene, wata marîa monthe meekîtwe nî methe make.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 22:19

Ke akathikwa ta mvunda, agakururua na aikue nja ya mîîrîga ya Jerusalemu.”

Jeremia 26:15

Nwatî menyani nama atî mwambûraga, mue na îtûûra rîîrî rîonthe atî nîmûgûcokererwa nî nthakame ya mûndû ûtarî na mavîtia, nîûndû nama nî Ngai-Mûnene wandûmire mbarie ciugo ino mûkîgucaga.”

Jeremia 36:30

Kwoguo nie Ngai-Mûnene nîrauga îgûrû rîgiî Jehoiakimu mûthamaki wa Juda atî, gûtirî mûndû wa rûciaro rwake ûgekarîra gîtî Kîam Daudi Kîam ûthamaki. Kimba gîake nîgîgaikua nja nîguo kîvîe nî riûa mûthenya na ûtukû kîvîvue nî mvevo.

Ezek 19:6

Kaaûrûraga vamwe na mînyambû îo îngî, na nîgaatuîkire mûnyambû mwîthî. Nîkaamenyire kûvîta nîguo kone gîa kûrîa gagîcoka kûrîa andû.

Mathaayo 14:10

Kwoguo Herode nîwatûmanire njeera Johana agatinue kîongo.

1Ath 2:15

arîa maaûragire Mwathani Jesû na arathi na magîtûnyarira. Matiakenia Ngai na nîmaareganaga na andû onthe.

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.

Kûguû 11:7

Na marîkia kûvecana ûira wao, nyamû îrîa yumaga îrimarî îrikîru rîtarî mûthiia nîîkarûa nao îmavoote na îmaûrage.