Jeremia 26:21 - ÎVUKU RÎA ÛVORO MWARO

²¹ Na rîrîa mûthamaki Jehoiakimu vamwe na athigari ake na anene onthe meegwire ciugo ciake, mûthamaki nîwavangire kûmûûraga. Nwatî rîrîa Uria eeguire ûvoro ûcio, nîwetigîre na akîûra akîthiî Misiri.

Jeremia 26:21 ပူးပေါင်းရင်းမြစ်များ

1Atha 18:10

Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 24:21

Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

Thaburi 119:109

Mbîthagîrwa vîndî cionthe nîrî thînarî wa gîkuû, nwatî ndiriganagîrwa nî watho waku.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Jeremia 26:10

Rîrîa anene a Juda meegwire maûndû mama, nîmaumire nyombarî ya mûthamaki na makîthiî hekarûrî na magîkara nthî vandû vetagwa Mwîrîga Mûcerû.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 10:39

Mûndû ûrîa ûgeragia kûvonokia mwoyo wake nîagaaûta, nwatî mûndû ûrîa ûtecaga mwoyo wake nîûndû wakwa, nîakaaûvonokia.

Mathaayo 14:5

Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.

Maariko 6:19

Kwoguo Herodia nîwatumire Johana ûthû na akendaga kûmûragithia. Nwatî ndangîavotire,