Jeremia 25:6 - ÎVUKU RÎA ÛVORO MWARO

⁶ Mûtikarûmîrîre ngai ciîngî mûigooce kana mûitungatîre, wana kana mûndakarie nîûndû wa kûgooca mîvuanano îrîa mwerûthîre na njara cienyu. Mwathîkîra Ngai-Mûnene, ke ndakaamûverithia.

Jeremia 25:6 ပူးပေါင်းရင်းမြစ်များ

1Atha 14:22

Andû a Juda nîmeekire maûndû macûku mbere ya Ngai-Mûnene na makîmûrakaria makîria ya ûrîa wonthe methe mao meekîte.

2Atha 17:35

Ngai-Mûnene nîwarûthîte kîrîkanîro nao na akamatha atîrî, “Mûtikagooce ngai ciîngî; mûtikenamîrîrie mothiû menyu mbere yacio kana mûitungatîra kana mûirutîre magongoona.

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 20:3

“Ndûkagooce ngai îngî tiga Nie.

Jeremia 32:30

Gûtirî ûndû andû a Juda na a Isiraeli maneka kuuma marî ethî, tiga wa maûndû macûku. Ciana cia Isiraeli nîindakarîtie na maûndû marîa mekaga. Ûguo nîguo Ngai-Mûnene arauga.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 44:7

“Na rîu Ngai-Mûnene, Ngai mwene vinya wonthe, Ngai wa Isiraeli arakûûria atî: Nîndûî gîtûmîte mwîreterera maûndû macûku ûguo, na mwîcûkangia mue ene? Gûtirî mûndû wanarî ûmwe wenyu ûtigarîte Juda, mûndûmûrûme kana mûndûmûka, ngenge na ciana.

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Gûco 13:2

nakîo Kîamma kîu kana ûrirû wîkîke acoke amwîre mûgooce ngai ciîngî irîa mûtaicî, na mûitungatîre,

Gûco 28:14

Mûtikarega kwathîkîra maathani mama na njîra wa yonthe, na mûtikagooce kana mûtungatîre ngai ciîngî.

Gûco 6:14

Mûtikagooce ngai ciîngî, ngai cia andû arîa mûriganîtie nao.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.

Josh 24:20

ethîrwa nwa mûtiganîrie Ngai-Mûnene na mûcoke gûtungatîra ngai ng'eni. Nîakaamûgarûrûka na amûverithie mûthire wana ethîrwa kûrî mue aarî Ngai mwaro.”