Jeremia 23:16 - ÎVUKU RÎA ÛVORO MWARO

¹⁶ Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Jeremia 23:16 ပူးပေါင်းရင်းမြစ်များ

1Atha 22:11

Ûmwe wa arathi acio, Zedekia mûvîcî wa Kenaana nîwarûthire mvîa cia cuuma na akîra Ahabu atîrî, “Ngai-Mûnene arauga atî; ‘Ûgaatûmîra ino ûkîrûa na Asîria nginya rîrîa ûkaamavoota viû.’ ”

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Maû 18:5

Kwoguo mûthamaki Ahabu nîwagomanirie arathi ta magana mana (400) vamwe na akîmaûria atîrî, “Nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nao nîmaamûcokerie atîrî, “Thiî ûkarîtharîkîre. Ngai nîagûkûvotithia kûrîvoota.”

Nthi 19:27

Mwana wakwa ûngîrega kûrûmîrîra mataaro, nîrîo ûkaaûrîra maûndû ma ûûgî.

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Jeremia 23:21

Ngai-Mûnene arauga atîrî, “Ndianatûma arathi, nwatî nîmaavinyûrire na ndianameera wanarî ûndû nwatî nîmaarutire ûrathi.

Jeremia 23:26

Nîmatûûra mavîtithagia andû akwa nginya rî, na morathi ma maveeni marîa matungîte na ngoro ciao?

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 29:8

Nîûndû Ngai-Mûnene mwene vinya wonthe, Ngai wa Isiraeli arauga atî mûtigetîkîre kûveenua nî arathi na aragûri arîa marî gatagatîrî kenyu na mûtikathikîrîrie iroto ciao.

Jeremia 9:12

Kûrî na mûndû mûûgî ûngîvota gûtaûkîrwa nî maûndû mama? Nî ûrîkû Ngai-Mûnene erîte maûndû mama nîguo amenyithie andû? Nîndûî gîtûmîte vûrûri ûcûkangue na ûtigwe wîkariî ta werû na gûtirî mûndû ûvîtûkagîrîra kuo?

Jeremia 9:20

Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Ezek 13:16

na arathi a Isiraeli arîa moonaga kîoneki atî Jerusalemu kûrî na thayû na gûtiarî na thayû.” Nie Ngai-Mûnene nînie mbugîte ûguo.

Ezek 13:23

Kwoguo, mue mûtigaacoka kwona cioneki icio cia maveeni rîngî kana mûragûria. Nîngaavonokia andû akwa kuuma kûrî mue, na nîmûkaamenya atî, nie nînie Ngai-Mûnene.”

Ezek 13:3

Ngai-Mûnene augîte atîrî, “Mue arathi aya aritu, kaî mûrî na thîna-î: mûrûmagîrîra meciria menyu na gûtirî kîndû mwonete.

Ezek 13:6

Cioneki ciao nî cia mana na maûndû marîa marathaga nî ma maveeni. Maugaga nî maria vandûrî vakwa, nwatî nie ndimatûmîte, na atî nîmerîgagîrîra nîmavingîrie maûndû mau.

Ezek 22:28

Arathi ao nîmatenderetie ngoro ciao ta ûrîa mûndû avakaga rûthingo cokaa. Monaga cioneki cia maveeni, na makaratha maûndû ma maveeni makiugaga atî nî Ngai-Mûnene warîtie wa rîrîa atarîtie.

Mika 2:11

Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Aroma 1:21

O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.