Jeremia 23:14 - ÎVUKU RÎA ÛVORO MWARO

¹⁴ Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 23:14 ပူးပေါင်းရင်းမြစ်များ

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Kîam 18:20

Ngai-Mûnene nîwacokire akîra Iburahimu atîrî, “Nîmbîguîte maûndû macûku megiî andû a Sodomu na Gomora na wîvia wao nî mûnene mûno.

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

Kîam 19:25

Matûûra mau, Kîamnda kîonthe, andû arîa maatûûraga kuo vamwe na indo cionthe irîa ciamerete kuo nîciacûkangirue.

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 18:13

Kwoguo Ngai-Mûnene arauga atîrî, “Ta ûria mavûrûrirî monthe kana kûrî mûndû wanegua ûndû ta ûyû? Isiraeli nîwîkîte ûndû mûcûku mûno.

Jeremia 20:16

Mûndû ûcio arotuîka ta matûûra, marîa Ngai-Mûnene omomorire atarî na ntha. Mûndû ûcio nîegue kîrîro kîraûko, na mûthenya egue înegene rîa mbaara,

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 23:22

Nwatî kethîrwa manamenya meciria makwa nîmangîanîrîre ndûmîrîri yakwa kûrî andû akwa na nîmangîatûmire magarûrûke matigane na mîtûûrîre yao mîcûku na matige gwîka maûndû macûku.”

Jeremia 23:32

Tanthikîrîria! Nie Ngai-Mûnene nîrauga atî, nîndeganîte na arathi arîa marotaga iroto cia maveeni. Na njîra ya iroto ciao na mîario ya maveeni, nîmatûmîte andû akwa mauma njîrarî ya ma. Nie ndianamatûma, kana nîmera mathiî, kwoguo matirî na ûtethio kûrî andû akwa.”

Jeremia 29:21

“Ngai-Mûnene mwene vinya wonthe, Ngai wa Isiraeli nîarîtie ûvoro wîgiî Ahabu mûvîcî wa Kolaia na Zedekia mûvîcî wa Maaseia, arîa mararatha maûndû ma maveeni na rîîtwa rîakwa: Nîngûmanenganîra kûrî Nebukadinezarû Mûthamaki wa Babuloni nake nîakamaûraga mûkîonaga.

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 36:2

“Oca îvuku rîa gîkûnjo na wandîke maûndû monthe marîa nakwîrire megiî Isiraeli, Juda, na mavûrûri monthe, kuuma rîrîa nambîrîrie kwaria nawe, Josia arî mûthamaki nginya ûmûnthî.

Jeremia 49:18

Wata ûrîa Sodomu na Gomora na matûûra marîa mariganîtie nakuo maacûkangirue, gûtirî mûndû ûgatûûra Edomu kana avîtûkîrîra kuo. Ûguo nîguo Ngai-Mûnene arauga.

Maca 4:6

Andû akwa maverithîtue, gûkîra andû a Sodomu, arîa maathirirue wa rîmwe, na mationa mûndû wa kûmatethia.

Ezek 13:16

na arathi a Isiraeli arîa moonaga kîoneki atî Jerusalemu kûrî na thayû na gûtiarî na thayû.” Nie Ngai-Mûnene nînie mbugîte ûguo.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Hosea 6:10

Nîmonete ûndû mûcûku mûno gatagatî ka andû a Isiraeli; andû a Efiraimu mavinyûraga gûtungatîra ngai wîngî, nama, andû a Isiraeli nîmegwatîtie mûgiro.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Malaki 1:1

Îno nî ndûmîrîri îrîa Ngai-Mûnene aveere mûrathi Malaki nîguo ere andû a Isiraeli.

Mathaayo 11:24

Nwatî nie nîramwîra na ma atî mûthenya wa îtuîro Ngai nîakeguîra andû a Sodomu ntha nyîngî kûmûkîra.”

Gûco 32:32

Nthû ciao nî mbaganu ta andû a Sodomu na Gomora, ciîkariî ta mîthavibu îrîa îciaraga thavibu ndûrû na irî na ûrogi,

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.