Jeremia 23:10 - ÎVUKU RÎA ÛVORO MWARO

¹⁰ Nîûndû vûrûri wîcûrîtwe nî itharia nîûndû wa irumi, vûrûri nî ûracakaya, na nyaki ya kûrîthia werûrî nî nyûmû. Mîthiîre yao nî îno mîcûku, matûmagîra vinya wao na njîra îtagîrîrîte.

Jeremia 23:10 ပူးပေါင်းရင်းမြစ်များ

Ezira 10:18

Ûyû nîguo mûtaratara wa arûme arîa maavikîtie aka ageni. Njiarwa cia athînjîri-Ngai maarî Maaseia, Eliezeri, Jaribu na Gedalia. Acio maarî avîcî a Joshua na aa mûrwang'ina, nao maarî avîcî a Jehozadaki.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Isaia 5:18

Kaî marî na thîna-î! Arîa mekaraga makururîtie mevia, arîa maguucagia mevia na mîkanda ta mûkokoteni.

Jeremia 12:11

Nîmatûmîte ûtuîke îganjo, ûrandîrîra ûrî maganjo, vûrûri wonthe watuîkire werû, nwatî gûtirî mûndû ûtindanagîra naguo.

Jeremia 14:2

“Juda nîîracakaya, matûûra ma Juda mamamîte nthî magîcakaya, andû akuo maracakaya maturîtie maru mao, andû a Jerusalemu nî mararîra makîenda ûtethio.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Jeremia 9:10

Nie naugire atîrî, “Nîngûrîrîra na njakaîre irîma, na njakaîre kûndû gwa kûrîthua, nîûndû kuonthe nî kûmîte, gûtirî mûndû ûvîtûkagîrîra kuo, na gûtiîgucagwa mûgambo wa ng'ombe. Iconi cia rîerarî na nyamû cia kîthaka nîciûrîte ikathiî.

Jeremia 9:12

Kûrî na mûndû mûûgî ûngîvota gûtaûkîrwa nî maûndû mama? Nî ûrîkû Ngai-Mûnene erîte maûndû mama nîguo amenyithie andû? Nîndûî gîtûmîte vûrûri ûcûkangue na ûtigwe wîkariî ta werû na gûtirî mûndû ûvîtûkagîrîra kuo?

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Hosea 7:4

Andû onthe nî itharia na nî aremi; mekariî ta karaî karî rikorî, rîrîa mûrugi atigire kûrûthîra mwaki, nginya arîkie gûkanda mûtu ma mûgate wimbe.

Joeli 1:10

Mîgûnda îtigîtwe îtarî kîndû, nthî nîîracakaya nîûndû ngano nînjûkangie, ndivei nî nthiru na maguta magatura.

Alawi 5:1

Ethîrwa mûndû wa wonthe nîetîtwe akavecane ûira îgootirî na arege kûvecana ûvoro wîgiî ûndû ûrîa onete kana eguîte, nwanginya akaaverithua nîûndû wa mavîtia make.

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

1Tim 1:10

Watho watuirwe nî ûndû wa imaramari, arûme arîa mamenyanaga kîîmwîrî na arûme arîa engî, andû arîa mendagia andû arîa engî, arîa maveenanagia na makaruta ûira wa maveeni kana andû arîa mekaga maûndû marîa mataringanîte na kîrîra kîrîa Kîam ma.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.