Jeremia 22:5 - ÎVUKU RÎA ÛVORO MWARO

⁵ Nwatî mwarega kwathîkîra ciugo ino, nie Ngai-Mûnene, neranîra na mwîvîtwa atî nyomba îno îgaatuîka îganjo.”

Jeremia 22:5 ပူးပေါင်းရင်းမြစ်များ

Kîam 22:16

“Ngai-Mûnene nîevîtîte akîgwetaga rîîtwa rîake akiugaga, atî nîngaakûrathima nîûndû ndûnangiria mûvîcîguo wa kîmomwe.

2Maû 7:19

Nwatî mûngîkaagarûrûka na mûtige kwathîkîra kîrîra na maathani marîa nîmûvete, na mwambîrîrie kûgooca na gûtungatîra ngai ciîngî,

2Maû 7:21

“Hekarû îno rîu îrî na ngumo mbaro, nwatî vîndî îo mûndû wa wonthe ûkaavîtûkîrîra varî yo nî akaamaka na aûrie atî, ‘Ngai-Mûnene ekire vûrûri ûyû na hekarû îno ûguo nîkî?’

2Maû 7:22

Nao andû nîmakaamacokeria atî, ‘nîûndû nîmaatiganîrie Ngai-Mûnene Ngai wa methe mao ûrîa wamarutire vûrûri wa Misiri. Nîmenyitanîtie na ngai ciîngî, kûigooca na gûitungatîra. Kîu nîkîo gîtûmîte Ngai-Mûnene amaretera mûthiro ûyû wonthe.’ ”

Thaburi 95:11

Kwoguo nînaarakarire na ngîîvîta ngiuga, matigaatonya kîvurûkorî gwakwa.”

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 26:4

Ûkamera Ngai-Mûnene arauga atî, ‘Ethîrwa tîmûnthikîrîria na mûrûmîrîre watho ûrîa nîmûvete,

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 44:26

Kwoguo ta thikîrîriani kiugo Kîam Ngai-Mûnene mue andû Juda na mûtûûraga vûrûri wa Misiri: nevîta na rîîtwa rîakwa rînene atî, ndigetîkîria mûndû wana ûmwe gatagatîrî kenyu evîta na rîîtwa rîakwa akiugaga atî, ‘wata ûrîa Ngai-Mûnene atûûraga mwoyo.’

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Mathaayo 23:38

Kwoguo hekarû yaku nîgaatiganîrua na îkare îrî ntheri.

Ahib 3:18

Rîrîa Ngai eeranîre na mwîvîtwa atîrî, “Matigaatonya vûrûrirî ûrîa nîngîkaamava ûvurûko” ke aaragia ûvoro wa û? Kinthî tî arîa maareganire nake?

Ahib 6:13

Rîrîa Ngai aathondekire kîîranîro gîake na Iburahimu nîwevîtire na rîîtwa rîake ke mwene, nîûndû gûtirî wîngî warî mûnene kûmûkîra.

Ahib 6:17

Ngai nîwendire kwonia andû arîa makagaa ciîranîro ciake atî îtua rîake nî rîa ma. Kwoguo nîwevîtire atî ke nîakaavingia ciîranîro ciake.