Jeremia 22:19 - ÎVUKU RÎA ÛVORO MWARO

¹⁹ Ke akathikwa ta mvunda, agakururua na aikue nja ya mîîrîga ya Jerusalemu.”

Jeremia 22:19 ပူးပေါင်းရင်းမြစ်များ

1Atha 14:10

Kwoguo nîngaaretithîria andû a nyomba ya Jeroboamu mûthiro na mbûrage arûme a nyomba yaku arîa marî Isiraeli, arîa ngombo na arîa matarî ngombo vûrûrirî wa Isiraeli. Nîngaathiria andû a mûciî wa Jeroboamu, ta ûrîa mûndû avîvagia mai makathira monthe.

2Atha 23:36

Jehoiakimu aarî na ûkûrû wa mîaka mîrongo îîrî na îtano (25) rîrîa aatuîkire mûthamaki wa Juda, na nîwathanire arî Jerusalemu îvinda rîa mîaka îkûmi na ûmwe (11). Ng'ina eetagwa Zebida, mwarî wa Pedaia, kuuma îtûûrarî rîa Ruma.

2Atha 24:6

Kwoguo Jehoiakimu nîwakwire, nake mûvîcî Jehoiakini nîwatuîkire mûthamaki vuva wake.

2Atha 9:35

Nwatî arûme arîa maathiîre kûmûthika matiethîra mwîrî wake wonthe tiga îvîndî rîake rîa kîongo, mavîndî ma magûrû na ma njara.

2Maû 36:6

Nebukadinezarû, mûthamaki wa Babuloni nîwamûtharîkîre na akîmûnyita akîmûvira Babuloni amwovete na mvîngû.

Mûvunjia 6:3

Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Jeremia 15:3

Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.

Jeremia 36:30

Kwoguo nie Ngai-Mûnene nîrauga îgûrû rîgiî Jehoiakimu mûthamaki wa Juda atî, gûtirî mûndû wa rûciaro rwake ûgekarîra gîtî Kîam Daudi Kîam ûthamaki. Kimba gîake nîgîgaikua nja nîguo kîvîe nî riûa mûthenya na ûtukû kîvîvue nî mvevo.

Jeremia 36:6

Kwoguo mûthenya wa mbere wa kwîvinga kûrîa irio, nîûkaathiî nyombarî ya Ngai-Mûnene na ûthomere andû onthe ciugo cia Ngai-Mûnene irîa nakwathire wandîke îvukuurî rîîrî rîa gîkûnjo ngîkwîraga. Nîûkaithoma mbere ya andû onthe a Juda arîa makethîrwa maûkîte kuuma matûûrarî mao.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Ezek 19:8

Mavûrûri monthe nîmaacokire makîûtharîkîra kuuma na mîena yonthe. Nîwategirwe na ûkînyitithîrua îrimarî rîrîa wategetwe.

Ezek 39:5

Mûkaaûragîrwa Mûtitûrî. Ûguo nîguo nie Mwathani Ngai-Mûnene mbugîte.