Jeremia 22:17 - ÎVUKU RÎA ÛVORO MWARO

¹⁷ Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 22:17 ပူးပေါင်းရင်းမြစ်များ

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

2Atha 23:37

Jehoiakimu nîwekire maûndû marîa mataakenagia Ngai-Mûnene, wata marîa monthe meekîtwe nî methe make.

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

2Maû 36:8

Maûndû mengî monthe marîa Jehoiakimu eekire arî mûthamaki, maûndû macûku marîa eekire na mavîtia marîa oonirwe namo, nîmandîke îvukuurî rîa ng'ano cia athamaki a Isiraeli na a Juda. Nake mûvîcî Jehoiakini nîwatuîkire mûthamaki vuva wake.

Ayubu 31:7

Ethîrwa nînyumîte njîrarî îrîa ya ma, na ngoro yakwa îkerirîria maûndû marîa monaga, na ethîrwa njara ciakwa irî na gîko nîûndû wa mevia;

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Nthi 24:2

O meciragia tu wa ûrîa kûngîgîa thîna, vîndî cionthe maragia ûrîa mangîtûma kûgîe thîna.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 17:11

Mûndû ûrîa ûgîcaga na ûtonga na njîra îtagîrîrîte, ekariî ta gîconi kîrîa kîgumbagîra matumbî gîtaciarîte, gatagatî ga ûkûrû wake ûtonga ûcio nîûkaathira, na mûthiiarî akethîrwa arî kîrimû.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 6:6

Ngai-Mûnene mwene vinya wonthe arauga atîrî, “Kûrani mîtî yarîo, ûmbani mûthetu ivumbu ithiûrûrûkîrîtie Jerusalemu. Nwanginya îtûûra rîîrî rîverithue, nîûndû rîcûrîtwe nî kûvinyanîrîria.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 19:6

Kaaûrûraga vamwe na mînyambû îo îngî, na nîgaatuîkire mûnyambû mwîthî. Nîkaamenyire kûvîta nîguo kone gîa kûrîa gagîcoka kûrîa andû.

Ezek 19:7

Mûnyambû ûcio nîwambîrîrie kûthiî nyombarî cia anene, na ûgîcûkangia matûûra mao. Vûrûri wonthe vamwe na andû nîmaagwatirwe nî guoya nîûndû wa mûraramo wa guo.

Ezek 19:9

Nîwekîrirwe icûvî na ûkîvingîrwa vandû vatumîtwe ta rûgara, na ûkîvirwa kûrî mûthamaki wa Babuloni. Nîwavingîrwe kûndû kûgitîre, nîguo mûraramo waguo ndûkeguîke rîngî irîmarî cia Isiraeli.

Ezek 22:6

Anene a Isiraeli arîa marî kûrî we, wa mûnene kûringana na vinya wake mendaga wa kûûragana.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 3:10

Mue mûratuma îtûûra rîa Zayuni na nthakame, mûgatuma Jerusalemu na ûragani na wagi wa kîvooto.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.