Jeremia 22:15 - ÎVUKU RÎA ÛVORO MWARO

¹⁵ Ûreciria we wî mûthamaki nîguo ûcindane na gûtuma nyomba na mîtarakwe? Aguo nîwarîre na akînyua, na akîonania kîvooto na ûthingu, na maûndû make maarî maro.

Jeremia 22:15 ပူးပေါင်းရင်းမြစ်များ

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

2Atha 22:2

Josia nîwekire maûndû monthe marîa maakenagia Ngai-Mûnene: nîwarûmîrîre mîthiîre ya îthe Daudi, na nîwavingagia mawatho monthe ma Ngai akindîrîtie.

2Atha 23:25

Gûtiarî mûthamaki wîngî take, vuva kana mbere yake watungatîre Ngai-Mûnene na ngoro yonthe, meciria na vinya wonthe akîvingagia mawatho monthe ma Musa.

1Maû 3:15

Josia aarî na avîcî ana: Jonathani, Jehoiakimu, Zedekia, na Joahazu.

2Maû 34:2

Josia nîwekire maûndû marîa maakenagia Ngai-Mûnene na nîwarûmîrîre mîthiîre ta îrîa yarî na îthe Daudi na nîwarûmîrîre mawatho monthe ma Ngai-Mûnene.

2Maû 35:22

Kûnarî ûguo, Josia ndaatiga kûtharîkîra Neko, mûthamaki wa Misiri. Nîwaregire kûthikîrîria ûrîa Ngai aaugaga na njîra ya mûthamaki Neko. Kwoguo nîwerigaririe nîguo ndakamenyekane na nîwathiîre Megido kûndû kûrîa kwaraganu kûrûa.

2Maû 35:26

Maûndû mengî monthe marîa Josia eekire arî mûthamaki na ciîko ciake mbaro kûringana na ûrîa kwandîkîtwe wathorî wa Ngai-Mûnene,

Nthi 20:28

Ûma na wîvokeku nîcio igitagîra mûthamaki, wathani wake ûtûûragua nî kîvooto.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Nthi 25:5

Thengutia andû arîa aganu vakuvî na mûthamaki, na ûthamaki wake nîûkeevanda maûndûrî ma kîvooto.

Nthi 29:4

Rîrîa mûthamaki aratûmîra kîvooto, vûrûri nîwîkindagîria, nwatî mûthamaki ûrîa wîciragia wa ûvoro wa mbeca nîacûkangagia vûrûri wake.

Nthi 31:9

Maragîrîrie na ûtwithanagie ciira na kîvooto, menyagîrîra ivooto cia arîa athîni na arîa marî na ûvatari.”

Mûvunjia 10:17

Gûkena nîwe vûrûri ûrî mûthamaki mûve gîtîîo, na atongoria aku makûngûagîra kîrugo vîndî îrîa mbagîrîru, nîguo magîe vinya nwatî tî ûndû wa ûrîu.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 22:18

“Kwoguo ûvoro wîgiî Jehoiakimu mûvîcî wa Josia mûthamaki wa Juda, Ngai-Mûnene arauga atîrî: Gûtirî mûndû ûkaamûcakaîra akiugaga, ‘Ûûi mûrwaiya! Kana ûûi mwarwaiya! Gûtirî mûndû ûkamûrîrîra akiugaga, Ûûi mwathi wakwa! Ûûi mûthamaki wakwa!’

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 42:6

Ethîrwa nî ûndû mwaro kana mûcûku, tue nîtûkwathîkîra mûgambo wa Ngai-Mûnene Ngai wetû, ûrîa tûragûtûma kûrî ke nîguo maûndû metû magîre twathîkîra Ngai-Mûnene Ngai wetû.”

Jeremia 7:5

“Rûngariani mîthiîre yenyu na ciîko cienyu na mwîkage maûndû ma kîvooto, kûrî mûndû na mûndû ûrîa wîngî.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”