Jeremia 22:14 - ÎVUKU RÎA ÛVORO MWARO

¹⁴ Augaga atî: ‘Nîngûtuma nyomba nene, îrî na nyomba nene cia ngorova.’ Acokaga akamîkîra ndirica, na agakunîka nthingo ciayo na mbaû cia mîtarakwe, na akamîvaka rangi ndune.

Jeremia 22:14 ပူးပေါင်းရင်းမြစ်များ

2Sam 7:2

Mûthamaki nîwerire mûrathi Nathani atîrî, “Ta roria wone atî rîu mbîkaraga nyombarî îtumîtwe na mîtarakwe, nwatî îthandûkû rîa kîrîkanîro Kîam Ngai rigîtwe îgemarî!”

2Maû 3:5

Ndaarî ya hekarû nîwamîvûrîre mbaû cia mîtarakwe na nîwaivakire thaavu ntheri. Nîwacokire akîmîgemia na mîcoro yekariî ta mîtî ya mîkîndû na mîkathî.

Nthi 17:19

Mûndû ûrîa wendete ngucanio nîendete mevia, na mûndû ûrîa mwîtîi acaragia thîna.

Nthi 24:27

Mbere amba ûrute wîra waku wa nja, varîrîria mûgûnda waku ûthire, ûcoke ûtume nyomba yaku.

Rwîmbo rwa Nyîmbo 1:17

Mîtarakwe nîyo îgaatuîka itugî cia nyomba yetû, na mîthithinda nîyo îkaamimba.

Isaia 9:9

Andû onthe a Isiraeli nîmakaamenya, andû a mûvîrîga wa Efiraimu na andû arîa matûûraga Samaria, maragia na mwîtîîo na ûng'endu makiugaga atîrî,

Ezek 23:14

“Oholiba nîwathiîre na mbere na kûvûra ûmaraa. Nîwagucîrîrue mûno nî mbica cia Akalidei icoretwe rûthingorî ivakîtwe rangi îno ndune,

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Hagai 1:4

“Nî vîndî yenyu ya gûtûûra nyombarî itumîtwe waro, wa rîrîa hekarû yakwa îromomoka?”

Malaki 1:4

Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”