Jeremia 20:4 - ÎVUKU RÎA ÛVORO MWARO

⁴ Nîûndû Ngai-Mûnene arauga atîrî, ‘Ta roria nîngatûma ûtuîke kiumo Kîam guoya kûrî we mwene na kûrî arata aku onthe. O nîmakaûragîrwa mbaararî nî nthû ciao ûkîonaga. Nîngavecana vûrûri wonthe wa Juda kûrî mûthamaki wa Babuloni. Nake nîakamoca amavire Babuloni marî mîgwate na nîakamaûraga.

Jeremia 20:4 ပူးပေါင်းရင်းမြစ်များ

2Atha 25:7

Nîmaaûragire anake a Zedekia akîyonagîra na metho make ke mwene, magîcoka makîmûkûûra metho na mûthiiarî nîmaamwovire na mvîngû na makîmûvira Babuloni.

Thaburi 73:19

Macûkangagua wa rîmwe; mathiragua nî imaûndû cia kûmakania.

Jeremia 13:10

Andû aya aganu nîmaregete kûmbathîkîra. Nî aremi na nî aûmû ngoro. Matungatagîra na makagooca ngai ng'eni. Kwoguo matuîkîte ta thuruvarî îno ndembûkangu na îtangîtûmîrwa, nî ya mana.

Jeremia 13:19

Matûûra monthe ma Negebu nîmarigicîrie, gûtirî mûndû ûngîtonya kuo. Andû onthe a Juda nîatave makavirwa îthamîriorî.”

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 20:6

Nawe Pashuri, na andû onthe arîa matûûraga nyomba gwaku, nîmûgaatavwa mûvirwe Babuloni mûrî ngombo. Kûu nîkuo we na arata aku onthe arîa wavecaga ûrathi wa maveeni mûgakuîra na mûthikwe.’ ”

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 29:21

“Ngai-Mûnene mwene vinya wonthe, Ngai wa Isiraeli nîarîtie ûvoro wîgiî Ahabu mûvîcî wa Kolaia na Zedekia mûvîcî wa Maaseia, arîa mararatha maûndû ma maveeni na rîîtwa rîakwa: Nîngûmanenganîra kûrî Nebukadinezarû Mûthamaki wa Babuloni nake nîakamaûraga mûkîonaga.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 52:24

Nake Nebuzaradani, mûnene wa arangîri nîwanyitire Seraia Mûthînjîri-Ngai, Mûnene wa athînjîri-Ngai, na Zefania ûrîa warî mûnini wake, na arangîri engî athatû.

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Jeremia 6:25

Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

1Sam 2:33

Mûndû wa wonthe wa rûciaro rwaku ûrîa ngaavonokia na nîmwîtîkîrie andungatagîre arî ta mûthînjîri-Ngai agaatûûra arîraga na ecûrîtwe nî kîeva. Nao andû acio engî onthe a rûciaro rwaku magaakuucaga gîkuû Kîam ruuo.