Jeremia 20:16 - ÎVUKU RÎA ÛVORO MWARO

¹⁶ Mûndû ûcio arotuîka ta matûûra, marîa Ngai-Mûnene omomorire atarî na ntha. Mûndû ûcio nîegue kîrîro kîraûko, na mûthenya egue înegene rîa mbaara,

Jeremia 20:16 ပူးပေါင်းရင်းမြစ်များ

Jeremia 18:22

Kîrîro nî kîguwe mîciîrî yao, rîrîa ûkamaretera gîkundi gîa acunani wa rîmwe! Nîûndû nîmamînjîrîte îrima nîguo ngwe, na magatega mîtego nîguo ngwatue.

Jeremia 18:8

naguo vûrûri ûcio narîtie ûvoro waguo ûgarûrûke ûtigane na maûndû macûku, nîngericûkwa ndige gûûcûkangia wata ûrîa navangîte.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Jeremia 26:13

Kwoguo rîu rûngariani mîthiîre yenyu na ciîko cienyu, na mwathîkîre mûgambo wa Ngai-Mûnene Ngai wenyu. Nake Ngai-Mûnene nîakwîricûkwa atige gwîka maûndû marîa augîte nîakûmwîka.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Maca 4:6

Andû akwa maverithîtue, gûkîra andû a Sodomu, arîa maathirirue wa rîmwe, na mationa mûndû wa kûmatethia.

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Hosea 10:14

Kwoguo mûrurumo wa mbaara nîûgakinyîra andû aku; nthingo cionthe cia kwîgitîra nîikomomorwa ta ûrîa Shalimani aacûkangirie Betharibeli marî mbaararî, aka na ciana ciao magatinangua inuku.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Amosi 2:2

Kwoguo nîngaatûma mwaki îtûûrarî rîa Moabu, ûcûkangie kûndû kûrîa kûgitîre îtûûrarî rîa Keriothi. Rîrîa athigari a mbaara makaugîrîria na mavuve tûrumbeta, andû a Moabu nîmagaakua.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Jona 3:4

Rîrîa Jona aakinyire, nîwatoonyire îtûûrarî, na vuva wa kûthiî rûgendo rwa mûthenya mûgima, nîwanîrîre kûrî andû a îtûûra rîu atîrî, “Vuva wa mîthenya mîrongo îna kuuma ûmûnthî, îtûûra rîîrî rîa Nineve nîrîgaacûkangua!”

Jona 4:2

Kwoguo nîwavoire atîrî, “Ngai-Mûnene, na kinthî mama tîmo maûndû wa marîa naaugire rîrîa naarî mûciî? Kîu nîkîo gîatûmire mbûrîre Tarishishi, nîûndû nînaicî atî we ûrî Ngai ûrî wendo na ntha, ndûrakaraga na îvenya, ûrî wendo ûtathiraga na nîwîricûkagwa ûkarega kûverithania.

Zefania 1:16

mûthenya ûcio nî wa tûrumbeta na mbaara, kûrî matûûra marîa marî nthingo nene na nthingo ndaca.

Zefania 2:9

Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Luka 17:29

Nwatî mûthenya ûrîa Loti aaumire Sodomu, Ngai nîwaurithirie mwaki na ûviriti, na ûkîûraga andû acio onthe.

Gûco 29:22

“Njiarwa cienyu irîa igaaûka vuva wenyu, na ageni arîa makaauma mavûrûri ma kûraca nîmakoona na mamenye mînyamaaro na mathîna marîa Ngai-Mûnene aareteere vûrûri wenyu.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.