Jeremia 2:7 - ÎVUKU RÎA ÛVORO MWARO

⁷ Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Jeremia 2:7 ပူးပေါင်းရင်းမြစ်များ

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Isaia 19:25

Ngai-Mûnene mwene vinya wonthe nîakaamarathima akiugaga atîrî, “Mûrorathimwa andû akwa a Misiri, mûrorathimwa andû a Asîria arîa naûmbire na njara ciakwa, na Aisiraeli arîa nîîthuurîrîte.”

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:2

Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 32:30

Gûtirî ûndû andû a Juda na a Isiraeli maneka kuuma marî ethî, tiga wa maûndû macûku. Ciana cia Isiraeli nîindakarîtie na maûndû marîa mekaga. Ûguo nîguo Ngai-Mûnene arauga.

Ezek 20:24

Nekire ûguo nîûndû nîmaaregire kûvingia matuîro makwa ma ciira, na nîmaaregire irîra cia watho wakwa na makîrega kûva thavatû ciakwa gîtîîo. Nîmeerirîrie kûgooca mîvuanano îrîa methe mao maagoocaga.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Ezek 36:17

“We mûndû, vîndî îrîa andû a Isiraeli maatûûraga vûrûrirî wao, nîmaaûgwatirie mûgiro nîûndû wa mîthiîre yao na mîtugo yao. Mîtugo yao marî mbere yakwa yekariî ta gîko Kîam mûndû mûka vîndî îrîa arî kavindarî gake ka mweri.

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Mika 2:10

Ûkîrani mûthiî, nîûndû gûkû gûtirî na gwa kûvurûka. Mevia menyu nîmatûmîte kûndû gûkû gûcûkangue.

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Gûco 21:23

kimba gîake gîtikarare mûtîrî. Nwatî mûgaakîthika mûthenya wa ûcio nîguo gîtikagwatie vûrûri ûrîa mûkûvewa nî Ngai-Mûnene Ngai wenyu mûgiro; nîûndû mûndû arî mûcurie mûtîrî ethagîrwa arî mûrume nî Ngai.

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.

Gûco 6:18

Îkagani maûndû marîa magîrîre na marîa maro methorî ma Ngai, nîguo maûndû menyu methîrwe marî maro na mûvote kwîgwatîra vûrûri mwaro ûrîa Ngai-Mûnene eerîre methe menyu na mwîvîtwa atî nîakaamava,