Jeremia 2:35 - ÎVUKU RÎA ÛVORO MWARO

³⁵ we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Jeremia 2:35 ပူးပေါင်းရင်းမြစ်များ

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Isaia 58:3

Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Jeremia 16:10

“Rîrîa ûkeera andû acio maûndû mama monthe, nî magakûûria atîrî, ‘Nîndûî gîtûmîte Ngai-Mûnene atûtuîra gûtûverithia na ûndû mûcûku ûguo? Nî ûndû ûrîkû mûcûku twîkîte? Nî mevia marîkû twîvîtie Ngai-Mûnene, Ngai wetû?’

Jeremia 2:23

Nwa uuge atî, “Nie ndirî na mûgiro, na nie ndianagooca Baali? Taroria mîthiîre yaku kûu Kîandarî, ta menya ûrîa wekire kuo; we wîkariî ta mori ya ngamîîra, îvinyûraga ava na vaarîa îrî na mûruke.

Jeremia 2:29

Mûrareta mateta menyu kûrî nie nîkî? Muonthe nîmûreganîte nanie, ûguo nîguo Ngai-Mûnene arauga.

Jeremia 2:9

Kwoguo nie Ngai-Mûnene nîrî na ciira namue, na nîngacirithia njiarwa cienyu.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Ezek 17:20

Nîngaatega mûtego na nî akaanyitithua nîguo. Nîngaamûvira Babuloni na nîngaamûtuîra nîûndû wa kûrega gûtuîka mwîvokeku kûrî nie.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,